స్టార్ మా టీవీలో ప్రసారమవుతున్న సీరియల్ 'కృష్ణ ముకుంద మురారి'. ఈ సీరియల్ సోమవారం నాటి ఎపిసోడ్ -211 లో.. భవాని దగ్గరికి కృష్ణ వెళ్ళి మురారిని పోలీస్ జాబ్ మానేయమన్నామని చెప్పగా.. భవాని వద్దని పోలీస్ డ్యూటీ ఎంత గొప్పదో వివరిస్తుంది. అయితే మురారి తన గదిలో ఉండి భవానితో కృష్ణ ఏం చెప్తుందో, భవాని తనని ఏం అంటుందోనని టెన్షన్ పడుతుంటాడు.

అప్పుడు మురారి దగ్గరికి వచ్చిన కృష్ణ.. సమాజానికి పోలీస్ ఎంత ముఖ్యమో భవాని అత్తయ్య చెప్పిందని, తనపై ఇంకా గౌరవం పెరిగిందని కృష్ణ అంటుంది. ఆ తర్వాత మధు, అలేఖ్యలు తమ గదిలో కాసేపు సరదగా మాట్లాడుకుంటారు. అయితే పూజగదిలోకి ముకుంద వెళ్ళి.. తన ప్రేమ నెరవేరాలని వేడుకుంటుండగా రేవతి చూస్తుంది. ముకుంద వేడుకొని పూజ గది నుండి వెళ్తుండగా తనని ఆపిన ముకుంద.. నీ కాపురం బాగుండాలని కోరుకో, నీ వల్ల వేరే వాళ్ళు బాధపడేలా, విడిపోవాలని కోరుకోకని ముకుందతో చెప్తుంది. "నా ప్రేమలో న్యాయం ఉంది. నా ప్రేమ గొప్పది. నా ప్రేమ త్యాగాన్ని కోరుకోవట్లేదు. ఆ ప్రేమని దక్కించుకోవాలని కోరుకుంటుంది" అని ముకుంద అంటుంది. ఆ తర్వాత ముకుంద వెళ్ళిపోతుంది.

మరొకవైపు భవానిని ఎలాగైనా ఇంప్రెస్ చేయాలని కృష్ణ కొత్త ప్లాన్ చేస్తుంది. అది చూసిన మురారి.. మళ్ళీ పెద్దమ్మ తిడుతుంది కృష్ణ, వద్దని మురారి అంటాడు. కృష్ణ వినకుండా భవానిలాగా చీరకట్టుకొని రెడీ అవుతుంది. అలా రెడీ అయి మేడ మీద నుండి వస్తుంది. భవాని వెనుకాలే కృష్ణ నిల్చొని అచ్చం భవానిలాగే నటిస్తుంది. అలా‌ ఇద్దరు నడుచుకుంటూ మెట్ల మీద నుండి వస్తుంటే.. డైనింగ్ టేబుల్ మీద ఉన్న అందరూ ఆశ్చర్యంగా చూస్తారు. వాళ్ళంతా అలా ఆశ్చర్యంగా చూడటం గమనించిన భవాని.. వీళ్ళేంటి అలా చూస్తున్నారు.. ఏమైందని తనని తాను సరిచూసుకుంటుంది. ఆ తర్వాత డైనింగ్ టేబుల్ దగ్గరికి వస్తుంది. "అచ్చం పెద్దమ్మ లాగా భళే ఉన్నావ్ కృష్ణ" అని మధు అనగానే .. కృష్ణని భవాని చూస్తుంది. ఈ తింగరిపిల్లేంటి నాలాగే రెడీ అయింది.

ఏ మధు కుదురుగా ఉండలేవా అనేసరికి భవానికి నవ్వొస్తుంది. కానీ అందరి ముందు తక్కువ అవుతానని అనుకొని నవ్వు ఆపుకుంటుంది భవాని. ఆ తర్వాత రేవతి చూసి.. వేషాలు చాలు కానీ కూర్చొని తిను అంటుంది. ఏంటి రేవతి చిన్న, పెద్ద తేడాలేదా అని కృష్ణ అంటుంది. ఈ పిల్లేంటి నాలాగే మాట్లాడుతుందని భవాని తనలో తాను అనుకుంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.