స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ శుక్రవారం నాటి ఎపిసోడ్ -166 లో.... రుద్రాణి ఈ టాబ్లెట్స్ ఎక్కడివని స్వప్నని నిలదీయడంతో తను టెన్షన్ పడుతుంది. అప్పుడే అక్కడికి కావ్య వస్తుంది. ఈ టాబ్లెట్స్ కావ్యకి ఆర్డర్ చేశానని స్వప్న అనగానే.. కావ్య ఆశ్చర్యపోయి చూస్తుంది. స్వప్న చెప్పేది నిజమేనా అని కావ్యని రుద్రాణి అడుగుతుంది. స్వప్న నిజమే అని చెప్పమని కావ్యకి సైగ చేస్తుంది. దాంతో చేసేదేమీ లేక నాకే టాబ్లెట్స్ ఆర్డర్ చేసిందని కావ్య చెప్తుంది.

ఆ తర్వాత స్వప్నని కావ్య గదిలోకి తీసుకొని వెళ్లి వార్నింగ్ ఇస్తుంది. నువ్వు చేసే తప్పులో నన్ను కూడా భాగం చేస్తున్నావ్.. అక్కడ మన వాళ్ళు కష్టంలో ఉన్నారు. ఇప్పుడు అమ్మ దగ్గరికి డబ్బులు తీసుకొని వెళ్తున్నాను. నేను వచ్చేలోపు ఇంట్లో వాళ్లకి నువ్వు ప్రెగ్నెంట్ కాదన్న విషయం చెప్పు, లేదంటే నేనే వచ్చి ఇంట్లో వాళ్ళకి నిజం చెప్తానని స్వప్నకి కావ్య వార్నింగ్ ఇచ్చి వెళ్తుంది. మరొక వైపు ఇల్లుకొని అడ్వాన్స్ ఇవ్వడానికి ఒక అతను, కృష్ణమూర్తి ఇంటికి వెళ్తాడు. అప్పుడే సేట్ కూడా అక్కడికి వెళ్తాడు. ఈ ఇంటి పత్రాల మీద సంతకం చెయ్యండని ఇంటిని కొన్న అతను అంటాడు. కృష్ణమూర్తి బాధగా పేపర్స్ పై సంతకం చేస్తుండగా.. అప్పుడే కావ్య వచ్చి, ఆగండి నాన్న అని అంటుంది. ఈ ఇల్లు మీకు అమ్మట్లేదని ఇల్లు కొన్న అతనికి కావ్య చెప్తుంది. మీకు డబ్బులు ఇవ్వడానికి ఇంకా ఆరు నెలల టైమ్ ఉంది కదా.. ఆ లోపు మీ డబ్బులు మీకు ఇస్తానని కావ్య సేట్ కి చెప్తుంది. నా వడ్డీ డబ్బులు అని సేట్ అడుగుగా.. ఇదిగో అని రాజ్ ఇచ్చిన డబ్బులు కావ్య తీసి ఇస్తుంది. ఆ తర్వాత కృష్ణమూర్తి, కనకం ఇద్దరు ఏడుస్తుంటే, వాళ్ళకి బాధపడకండి.. నేను డిజైన్స్ వేస్తే మా ఆయన నాకు ఆ డబ్బులు ఇచ్చాడు. ఇంకా డిజైన్స్ వేసి మిగత డబ్బులు కట్టేస్తానని కావ్య చెప్తుంది.

మరొక వైపు కావ్య వార్నింగ్ ఇస్తుందా? లేక అది వెళ్తు నాకు అవకాశం ఇచ్చి వెళ్ళిందా అని స్వప్న అనుకొని.. అక్కడే ఉన్న అపర్ణకి వినపడేల కనకంతో ఫోన్ మాట్లాడినట్లు యాక్ట్ చేస్తుంది. ఏంటమ్మా డబ్బులు కావాలా.. రాజ్ ని కావ్య డబ్బులు అడిగి ఇందాకే తీసుకొని బయలుదేరింది. ఇలా ప్రతిసారి అత్తింటి నుండి డబ్బులు పంపిస్తే.. మాకు ఇక్కడ విలువ ఉండదు. కావ్య తప్పు చేస్తే నన్ను అంటారంటూ అపర్ణకి వినపడేల స్వప్న మాట్లాడుతుంది. కావ్య నిజంగానే రాజ్ ని అడిగి డబ్బులు కనకానికి ఇస్తుందని అపర్ణ అనుకుంటుంది. మరొక వైపు కావ్య వేసిన డిజైన్స్ క్లయింట్స్ కి బాగా నచ్చుతాయి. కాంట్రాక్టు ఓకే అవుతుంది. మళ్ళీ వచ్చేటప్పుడు మీ డిజైనర్ ని తీసుకొని రండి అని క్లయింట్స్ రాజ్ కి చెప్తారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.