స్టార్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు'(Illu illalu pillalu). ఈ సీరియల్ సోమవారం నాటి ఎపిసోడ్ -156 లో......ధీరజ్ తన నెల సంపాదన ఆరు వేలు తీసుకొని వచ్చి రామరాజుకి ఇవ్వాలని ప్రయత్నం చేస్తాడు. ఈ అరువేలు మీ ఇద్దరికి సరిపోతాయా అని రామరాజు కోపంగా మాట్లాడుతాడు. ఒక అరు వేలు ఇవ్వడం ఏంటి ఏదో హాస్టల్ లో ఇచ్చినట్లు ఇంకా మావయ్య గారి ముందే తల ఎగిరేసి మాట్లాడుతున్నావ్ మరిది గారు.. మా ఆయన నెల కాగానే యాభై వేలు మావయ్యకి ఇస్తున్నాడు.. ఎప్పుడైనా అలా పొగరుగా మాట్లాడాడా అని ధీరజ్ ని బ్యాడ్ చెయ్యాలని చూస్తుంది శ్రీవల్లి.

నడిపి మరిది రైస్ మిల్ చూసుకుంటున్నాడు.. పైసా ఆదాయం లేదు.. చిన్న మరిది చదువుతున్నాడు ఖర్చు తప్ప ఆదాయం లేదు.. మా ఆయన డబ్బు ఇస్తున్నాడని శ్రీవల్లి అనగానే మా ఆయనకి జీతమిస్తే మీ ఆయన కంటే ఇరవై వేయిలు ఎక్కువే అని నర్మద అంటుంది. ధీరజ్ చదువు అవగనే అందరికంటే ఎక్కువ డబ్బు తీసుకొని వచ్చి ఇస్తాడని ప్రేమ అంటుంది. దాంతో రామరాజు అందరిపై కోప్పడతాడు. ఇక వెళ్లిపోతున్న రామరాజు చేతిలో ధీరజ్ డబ్బు పెట్టి వచ్చే నెల ఎక్కువ ఇస్తానని చెప్తాడు. రామరాజు వెళ్ళిపోయాక.. ఏంటి బావ నేను ఏమైనా తప్పుగా మాట్లాడానా అని చందుతో శ్రీవల్లి అంటుంది. అదేం లేదని చందు అంటాడు. ఆ తర్వాత ధీరజ్ దగ్గరికి వేదవతి వెళ్లి మాట్లాడుతుంది. మీ నాన్నతో అలా ఎందుకు మాట్లాడావని అడుగుతుంది. ఇంట్లో అందరు సంపాదిస్తున్నారు వాళ్ళ భార్యలకి గౌరవం ఉంటుంది. నా భార్య కి గౌరవం ఉండాలనే ఇలా చేస్తున్నాను.. ప్రేమ నా భార్య.. నా బాధ్యత అని ధీరజ్ మాట్లాడుతుంటే పక్కనే ఉన్న ప్రేమ విని మురిసిపోతుంది.

ఆ తర్వాత వేదవతి దగ్గరికి నర్మద వచ్చి మాట్లాడుతుంది. అప్పుడే ప్రేమ వస్తుంది. మీ అయన గురించి ఏదో చెప్పారట అని నర్మద అనగానే.. ప్రేమ సిగ్గుపడుతుంది. తరువాయి భాగంలో నర్మద ట్రైనింగ్ సంగతి మావయ్యకి చెప్పండి అని నర్మద, ప్రేమ కలిసి వేదవతిని రిక్వెస్ట్ చేస్తారు. శ్రీవల్లి రావడంతో టాపిక్ మారుస్తారు. ఆ తర్వాత రామరాజుతో నర్మద ట్రైనింగ్ గురించి వేదవతి మాట్లాడుతుంది. మావయ్య గారు అసలు ఒప్పుకోరని శ్రీవల్లి అనగానే అందరు షాక్ అవుతారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.