స్టార్ మా టీవీలో ప్రసారమవుతున్న సీరియల్ 'గుప్పెడంత మనసు'. ఈ సీరియల్ మంగళవారం నాటి ఎపిసోడ్ -914 లో.. వసుధార, రిషి ఇద్దరు విష్ కాలేజీకీ వెళ్ళడానికి హాల్లోకి వస్తారు. అక్కడే ఉన్న మహేంద్రకి విష్ కాలేజీకి వెళ్తున్నాము. మీరు రండి అని మహేంద్రతో వాళ్ళిద్దరు అనగానే.. నేను రాలేను, మీరు వెళ్ళండి. నా గురించి టెన్షన్ పడకండి. నేను ఎక్కడికి వెళ్ళను డ్రింక్ కూడా చెయ్యనని మహేంద్ర చెప్తాడు. మామయ్య మీరు మన కాలేజీ కీ వెళ్ళండని వసుధార అనగానే.. నేను వెళ్ళను అక్కడకి వెళ్తే జగతి జ్ఞాపకాలు గుర్తుకు వస్తాయని మహేంద్ర అంటాడు.

మరొక వైపు జగతిని షూట్ చేసిన దగ్గరికి ముకుల్ వెళ్లి ఇన్వెస్టిగేషన్ చేస్తాడు. పాండియన్ కూడా ఆ సంఘటన జరిగినప్పుడు ఉన్నాడు కాబట్టి ఎలా జరిగింది? ఏంటి అని అతన్ని ముకుల్ అడుగుతాడు. ఆ తర్వాత అక్కడికి రిషి, వసుధారలు వస్తారు. జగతి మేడమ్.. మీతో ఏం మాట్లాడాలనుకున్నారని ముకుల్ అడుగుతాడు. నాకు తెలియదని రిషి అంటాడు. మరొక వైపు శైలేంద్ర మనిషి అక్కడ ముకుల్ చేస్తున్న ఇన్వెస్టిగేషన్ గురించి శైలేంద్రకి ఫోన్ చేసి చెప్తాడు. మరొక వైపు సీసీ టీవీలో షూట్ చేసిన అతన్ని బైక్ నెంబర్ కన్పిస్తుంది. దాని ప్రకారం అడ్రస్ ట్రేస్ చేసాం కానీ ఆ అడ్రస్ గల ఇంటికి వెళ్తే అతను చనిపోయడని తెలిసింది కానీ ఫోన్ నెంబర్ ట్రేస్ చేస్తున్నాం. ఏదైనా క్లూ దొరకవచ్చు కానీ అతను ఎవరో గాని ఆధారాలు దొరకకుండా జాగ్రత్తపడుతున్నాడు. కానీ ఖచ్చితంగా పట్టుకుంటానని రిషికి ముకుల్ చెప్తాడు. ఆ తర్వాత వసుధార, రిషి ఇద్దరు విష్ కాలేజీకీ వెళ్తారు. అక్కడున్న వాళ్లంతా రిషి, వసుధారలకీ గ్రాండ్ వెల్ కమ్ చెప్తారు. అప్పుడే అక్కడికి విశ్వనాథ్, ఏంజిల్ ఇద్దరు వస్తారు. రిషి వసుధారలని జంటగా చూసి ఇద్దరు షాక్ అవుతారు. ఏంజిల్ కోపంగా ఏదో అడగబోతుంటే.. ఆగు ఏంజిల్ ఇంటికి వెళ్ళాక మాట్లాడుకుందామని విశ్వనాథ్ అంటాడు. చాలా థాంక్స్ నీ వైఫ్ ని చూపించినందుకని రిషితో ఏంజిల్ కోపంగా అంటుంది.

ఆ తర్వాత కాలేజీలో ఫాకల్టీ తో కాసేపు రిషి, వసుధార ఇద్దరు మాట్లాడుతారు. ఇంటికి రండి అని విశ్వనాథ్ అంటాడు. సరే అని రిషి అనగానే.. వెయిట్ చేస్తుంటానని ఏంజెల్ అంటుంది. మరొక వైపు అరకు నుండి అనుపమ విశ్వనాథ్ ఇంటికి వస్తుంది. ఎవరని పనిమనిషి అడుగుతుంది. దానికి సమాధానం చెప్పకుండా.. పైన రూమ్ కీస్ ఎక్కడ ఉన్నాయని అడుగుతుంది. మళ్ళీ నాకు తెలుసులే అని అనుపమ అనగానే.. మీకేలా తెలుసని పనిమనిషి అడుగుతుంది. అది నా రూమ్ అంటూ పైకి వెళ్తుంది. అసలు అనుపమ విశ్వనాథ్ కి సంబంధం ఏంటో తెలియాలంటే తర్వాతి ఎపిసోడ్ వరకు ఆగాల్సిందే.