గృహలక్ష్మి సీరియల్ స్టార్ మా టీవీలో ప్రసారమవుతూ.. 1000 ఎపిసోడ్ మైలురాయిని చేరుకుంది. ప్రతి ఇంట్లో మహిళ ఎదుర్కునే ఇబ్బందులు, చేసే త్యాగాలను వివరిస్తూ మంచి కథతో సాగుతున్న ఈ సీరియల్.. ఇప్పుడు టీఆర్పీలో టాప్ రేటింగ్ లో ఉంది.

గృహలక్ష్మి సీరియల్ కి ఫ్యామిలీ ఆడియన్స్ ఎక్కువ అనడంలో ఆశ్చర్యం లేదు. తులసి పాత్రలో కస్తూరి నటిస్తుంది. కస్తూరి శంకర్.. తెలుగు సినీ పరిశ్రమలో ఒకప్పుడు అగ్ర కథానాయకులతో కలిసి సినిమాలు చేసింది. అయితే సినిమాలలో మంచి గుర్తింపు తెచ్చుకుంటున్న సమయంలో..2014లో టాప్‌లెస్ ఫోటోషూట్ ద్వారా కస్తూరి శంకర్ వార్తల్లో వ్యక్తిగా మారింది. "జేడ్ బెల్ పుస్తకం ది బాడీస్ ఆఫ్ మదర్స్: ఎ బ్యూటిఫుల్ బాడీ ప్రాజెక్ట్‌" లో భాగంగా ఆమె అర్థనగ్నంగా ఫోటోలకి ఫోజులిచ్చింది. ఆ ఫోటోలు వివాదాస్పదంగా మారాయి. ఆ తర్వాత తన సెకండ్ ఇన్నింగ్స్ ని 'గృహలక్ష్మి' సీరియల్ తో స్టార్ట్ చేసింది కస్తూరి.

గృహలక్ష్మి సీరియల్ లో తులసి(కస్తూరి) భర్త పరాయి స్త్రీతో అక్రమ సంబంధం పెట్టుకుని భార్య, పిల్లలను పట్టించుకోకుండా ఉంటాడు. దాంతో తులసి ఇంటి బాధ్యతలు తీసుకొని ఇంటిని క్రమపద్ధతిలో ఉంచుతుంది. అటు భర్తని ఇబ్బంది పెట్టకుండా, ఇటు అత్త మామలను తల్లితండ్రులుగా చూస్తూ తులసి పాత్రలో కస్తూరి ఒదిగిపోయింది. తులసి ఎవరి పై ఆధారపడకుండా తనే సొంతంగా వర్క్ చేస్తూ పిల్లలని చదివించింది. పిల్లలకి పెళ్లి చేసి ఒకానొక సందర్బంలో తనని కాదని వెళ్ళిపోయిన తన భర్త నందుకి కూడా ఆర్థిక సాయం చెయ్యడానికి కూడా వెనుకంజ వెయ్యలేదు. అలాంటి ధైర్యం ఉన్న స్త్రీ పాత్రలో కస్తూరి మెప్పిస్తుంది. గృహలక్ష్మి సీరియల్ రోజు రోజుకి ట్విస్ట్ లతో కథ ముందుకు సాగుతుంది. ఈ సీరియల్ 1000 వ ఎపిసోడ్ సందర్బంగా సీరియల్ యూనిట్ సెలబ్రేషన్స్ జరుపుకున్నారు. దానికి సంబంధించిన కొన్ని ఫొటోస్ ని కస్తూరి తన ఇన్ స్టాగ్రామ్ లో షేర్ చేసింది.