డ్రామా జూనియర్స్ సీజన్ 6 లో చిన్నారుల స్కిట్స్ ఇంటిల్లిపాదీ నవ్వుకునేలా ఉన్నాయి. రోల్ నంబర్ 11 లో ఏడేళ్ల ఆదిత్య, తొమ్మిదేళ్ల జస్వంత్ వర్మ ఇద్దరూ వచ్చి స్కిట్ పెర్ఫామ్ చేశారు. కోట శ్రీనివాసరావు, బాబు మోహన్ ఇద్దరి కంబినేషన్ లో ఎన్నో హిట్ మూవీస్ వచ్చాయి. అలా వాళ్ళ ఇద్దరి మధ్య కామెడీ సీన్స్ ఈ చిన్నారులు బాగా పండించారు. అంతేకాదు. ప్రదీప్ పెళ్లి మీద కూడా కామెంట్స్ చేశారు. "నేను ఇలా అన్నానని కాదు. నీకు పెళ్ళికావట్లేదని ఎందుకు, ఏమిటి, ఎలా అని ఆలోచించకు బుచికిబుచికి ..ఎందుకంటే అది ఇప్పట్లో అవ్వదులే " అనేసరికి ప్రదీప్, బాబు మోహన్ నవ్వేశారు. "ఇప్పుడు అవన్నీ ఎందుకు లెండి సర్" అన్నాడు సరదాగా నవ్వుతూ.

సోషల్ మీడియా టూ అప్ డేట్ గా మారిపోయి బతికి ఉన్నవాళ్లను చంపేస్తూ ఆ వార్తలను రకరకాల థంబ్ నెయిల్స్ తో పోస్ట్ చేస్తూ వాళ్ళను బాధపెడుతున్న విషయాన్ని ఈ స్కిట్ లో హైలైట్ చేశారు..కొంతకాలం క్రితం కోట శ్రీనివాసరావు చనిపోయారంటూ ఒక న్యూస్ హల్చల్ చేసింది. "అప్పుడు నీకు గుర్తుందా అన్నా నువ్వు లేవంటూ వచ్చిన వార్తను చూసేసరికి తట్టుకోలేక నేను నీకు ఫోన్ చేసాను..నువ్ నా కాల్ లిఫ్ట్ చేసి హలో అనేవరకు నా గుండె వేగం తగ్గలేదన్న..దేవుడిని మనకన్నా మన పిల్లలే బాగా నచ్చి వాళ్ళను ముందే తీసుకెళ్లిపోయాడు..విలువల్లేని వార్తల వల్ల మీరెంత ఆనందపడతారో మాకు తెలీదు కానీ నలుగురిని నవ్విస్తూ బతికే మేము మాత్రం చాలా బాధపడతాం" అంటూ అందరినీ కన్నీళ్లు పెట్టించారు ఈ చిన్నారులు. ఇక బాబుమోహన్ కూడా తమ మధ్య ఉన్న బాండింగ్ గురించి చెప్పారు " మా ఇద్దరి కంబినేషన్ బొబ్బిలి రాజా నుంచి స్టార్ట్ అయ్యింది. మామగారు మూవీ వచ్చేసరికి చాల టాప్ కి వెళ్లిపోయాం. మా జంటతో ఎన్నో చిన్న సినిమాలు ఆడాయి..అసలు నాకు ఒకే ప్లేట్ లో ముద్దలు కలిపి పెట్టడమేంటి కోటగారు ..కోటన్న అక్కాచెల్లెళ్లు, అన్నదమ్ములు బాబు మోహన్ సొంత తమ్ముడు అని చెప్పుకుంటారు . కోట గారి గురించి ఇలా ఎవరో టీవీలో వేశారు అది చాలా బాధాకరం..ఆయనకు ఆయన నేను బతికే ఉన్నాను అని చెప్పుకునే దుస్థితి వచ్చింది. అది ఎంత దౌర్భాగ్యం" అంటూ బాధపడ్డారు.