ఎక్స్ట్రా జబర్దస్త్ షో ఈ వారం ఫుల్ ఎంటర్టైన్ చేసింది. ఈ షోకి "అహింస" మూవీ నుంచి డైరెక్టర్ తేజ, దగ్గుబాటి అభిరాం వచ్చారు. పటాస్ ప్రవీణ్ అండ్ టీం చేసిన స్కిట్ కి తేజ ఫుల్ నవ్వుకుంటూనే ఉన్నారు. "జయం" మూవీలో నితిన్ నడుముకు తాడు కట్టుకుని దిగే సీన్ ని స్పూఫ్ గా చేసి చూపించారు..ఈ స్కిట్ పూర్తయ్యాక ఆ సీన్ కి సంబంధించిన కొన్ని మెమోరీస్ ని షేర్ చేసుకోమని రష్మీ తేజను అడిగింది. "ప్రియతమా తెలుసునా" సాంగ్ తోనే సినిమా స్టార్ట్ చేసాం. ఆ సాంగ్ చేసేటప్పుడు నితిన్ కి రోప్ కట్టాం మళ్ళీ స్ట్రింగ్స్ కూడా కట్టాం..

వీపు మీద నుంచి కట్టి వేలాడదీస్తూ తియ్యాలి. ఆ సాంగ్ తీసే టైం అయ్యింది. కాని అక్కడ చూస్తే నితిన్ లేడు..మా డాన్స్ మాస్టర్, కెమరామెన్ లేడు. ఎక్కడున్నారా అని వెతికితే సెట్ వెనక వున్నారు వీళ్లంతా. నేను వెళ్లేసరికి నితిన్ ఏడుస్తున్నాడు నేను చేయలేను ఈ డాన్స్ , ఈ మూవీ అని అతను అలా ఏడుస్తుంటే వీళ్లంతా నితిన్ ని సముదాయిస్తున్నారు. ఎన్ని రోజులైనా పర్లేదు అని చెప్పి 12 రోజుల పాటు ఈ సాంగ్ ని షూట్ చేసాం. అలాగే "సబాసి సబాసి సాంగ్ తీసేటప్పుడు నితిన్, సదా ఒక కార్ లో వస్తున్నారు. నితిన్ ఆ కార్ లో ఫ్రంట్ సీట్ లో కూర్చున్నాడు. ఇంతలో ఒక అసిస్టెంట్ డైరెక్టర్ వచ్చి నితిన్ ని దింపేసి ఆయన ఫ్రంట్ సీట్ లో కూర్చున్నాడు. నితిన్ ని వేరే కార్ లో పంపించాడు. ఇంతలో సదా ట్రావెల్ చేస్తున్న కార్ టైర్ బరస్ట్ అయ్యి పల్టీలు కొట్టింది. దాంతో సదాకి బాగా దెబ్బలు తగిలాయి. అందుకే ఆ సాంగ్ మొత్తం సదాని ట్రైన్ లో కూర్చోబెట్టి నటింపచేసాం" అని చెప్పారు డైరెక్టర్ తేజ.