సోషల్ మీడియాలో అదృష్టం కానీ దురదృష్టం కానీ తన్నుకు రావాలంటే కచ్చితంగా ట్రోల్ కావాల్సిందే. ఐతే కొంత మంది అనుకోకుండా ట్రోల్ అవుతూ ఉంటారు. ఆ ట్రోలింగ్ కొందరికి అవకాశాలను తెచ్చిపెడుతుంది..కొందరిని పాతాళానికి తొక్కేస్తుంది. అలాంటి సమయంలో వాళ్ళు కోలుకోవడానికి చాలా సమయమే పడుతుంది. సోషల్ మీడియా రెండు వైపులా పదునున్న కత్తి... ఏదేమైనా ట్రోలింగ్ అనేది ఈరోజుల్లో ప్రధాన పాత్ర పోషిస్తోంది. ఆ ఏదైతే అదయ్యిందిలే అని కొంతమంది ట్రోలింగ్ చేయించుకునే వాళ్ళు కూడా ఉన్నారు. అదేంటి ట్రోలింగ్ చేయించుకునేవాళ్ళా... ఎవరు అనుకుంటున్నారా. ఐతే అప్పుడెప్పుడో "ఈతరం ఇల్లాలు" సీరియల్ చూసి ఉంటారు కదా. ఆ సీరియల్ హీరోయిన్ దీపికా సింగ్ ... ప్లీజ్ నన్ను ట్రోల్ చేయండి అని బతిమాలుతోంది ఈ అందాల అమ్మడు.

ఈతరం ఇల్లాలు సీరియల్లో సంధ్య పాత్రలో అమాయకంగా కనిపిస్తూ తెలివైన అమ్మాయిగా నటించే పాత్ర అందరికీ గుర్తుండే ఉంటుంది. ఈ సీరియల్ తర్వాత మళ్లీ ఏ సీరియల్ చేయలేదు దీపికా సింగ్. పెళ్లి చేసుకుంది...చక్కగా పిల్లల్ని కన్నది...అలా కొంతకాలం కెరీర్ కి బ్రేక్ ఇచ్చేసింది. ఇక ఇప్పుడు సోషల్ మీడియాలోకి వచ్చి అమ్మడు తెగ సందడి చేస్తుంది. సోషల్ మీడియాలో ట్రెండింగ్ సాంగ్స్ కి డాన్స్ చేస్తూ ఆ వీడియోస్ ని పోస్ట్ చేస్తోంది. ఇప్పుడు కూడా ఒక సాంగ్ కి డాన్స్ చేసి ఇన్ స్టాలో షేర్ చేసింది. “దీనికి యస్.. ఎందుకంటే ఇప్పుడు ఇది ట్రెండ్ అవుతోంది. ప్లీజ్ ఇప్పుడు నన్ను ట్రోల్ చేయండి” అంటూ ఫన్నీగా టాగ్ లైన్ పెట్టుకుంది. నెటిజన్స్ ఐతే "బాగా చేస్తున్నారు...చేయండి...సంతోషాల్ని పంచండి అంటుంటే ఇంకొంతమంది ఎందుకు చేస్తున్నారు డాన్స్ చేయాల్సిన అవసరమేంటి అంటున్నారు. మెసేజెస్ చదివి రిప్లై ఇవ్వనప్పుడు మెసేజ్ సెక్షన్ క్లోజ్ చేసేయండి" అంటూ కామెంట్స్ చేస్తున్నారు. ఇప్పుడు మంగళ్ లక్ష్మి అనే హిందీ సీరియల్లో మంగళ్ పాత్రలో నటిస్తోంది దీపికా సింగ్ .