శ్రీసత్య బిగ్ బాస్ ప్రియులకు సుపరిచితమే. బిగ్ బాస్ సీజన్-6 లో 'బ్యూటీ క్వీన్' అని శ్రీసత్యని చెప్తారు. తాజాగా శ్రీసత్య పుట్టినరోజుని బిగ్ బాస్ ఫెండ్స్ అందరూ కలిసి గ్రాంఢ్ గా సెలబ్రేట్ చేశారు‌. కంటెస్టెంట్స్ దాదాపుగా అందరు వచ్చి సందడి చేశారు.

బిబి జోడీ డాన్స్ షోలో శ్రీసత్యతో కలిసి మెహబూబ్ డ్యాన్స్ చేసిన విషయం తెలిసిందే. అయితే మెహబూబ్ ఈ సెలబ్రేషన్స్ లో తన డ్యాన్స్ స్టెప్స్ తో ఫుల్ జోష్ గా కనిపించాడు. శ్రీసత్య కూడా చిందులు వేసింది. ఈ సెలబ్రేషన్స్ లో రాజ్, గీతూ రాయల్, ఆదిరెడ్డి, అర్జున్ కళ్యాణ్, ఫైమా, రేవంత్, యాంకర్ శివ ఇలా చాలా మంది హాజరయ్యారు. అందరూ సరదాగా గడుపుతూ శ్రీసత్యతో సందడి చేశారు. అయితే ఈ సెలబ్రేషన్స్ లో అందరి దృష్డి అర్జున్ కళ్యాణ్ మీదే ఉంది. అతనితో శ్రీసత్య ఎలా ఉంటుందా అని ఆసక్తి అందరిలో నెలకొంది. అయితే శ్రీసత్య మాత్రం అందరితో ఉన్నట్టే మాములుగా ఉంది. అయితే గీతు రాయల్.. ఈ సెలబ్రేషన్స్ లో యాక్టివ్ గా ఉండి అందరిలో మంచి జోష్ ని నింపింది.

శ్రీసత్య పుట్టిన రోజు వేడుకలకి ఇనయా రాకపోవడంతో వాళ్ళిదరి మధ్య ఇంకా గొడవలు అలాగే ఉన్నాయనే తెలుస్తుంది. ఈ సెలబ్రేషన్స్ లో ఇనయాతో పాటుగా సుదీప, అభినయశ్రీ కుడా రాలేదు. అయితే బిగ్ బాస్ హౌస్ లో ఉన్నన్ని రోజులు మంచి స్నేహితుడిగా ఉన్న శ్రీహాన్ కూడా ఈ సెలబ్రేషన్స్ కి రాకపోవడంతో వాళ్ళిద్దరి మధ్య ఏమైనా మనస్పర్థలు వచ్చాయా అని అందరు అనుకుంటున్నారు. మొత్తానికి చాలా రోజుల తర్వాత శ్రీసత్య పుట్టినరోజున మరొక్కసారి బిగ్ బాస్ కంటెస్టెంట్స్ అందరూ కలిసి ఎంజాయ్ చేశారు.