'బలగం' సినిమా ప్రతి కుటుంబంలోని ప్రతీ మనిషి లోని ఎమోషన్ ని బయటకు తీసిన సినిమా.. కుటుంబ బంధాలకు పెద్ద పీటవేస్తూ అద్భుతమైన కథతో వేణు ఎల్దండి డైరెక్ట్ చేసిన బలగం మూవీ ఒక సంచలనం సృష్టించింది. ఈ మూవీ  ఇప్పటికే సినీ రాజకీయ ప్రముఖుల చేత ప్రశంసలు అందుకుంది. ప్రతి పల్లెలో ఈ  'బలగం' మారు మ్రోగుతోంది. మొదటి సినిమానే ఇంత భారీ విజయం సాధించడంతో ఆ సక్సెస్ ని ఎంజాయ్ చేస్తున్నాడు వేణు.

ఇప్పటికే ఈ మూవీ పలు అవార్డులు సొంతం చేసుకుంది. వేణు మొదటగా తన కెరీర్ ని చిన్న చితక పాత్రలతో స్టార్ చేసాడు. ఆ తర్వాత జబర్దస్త్ షో లో వేణు వండర్స్ టీమ్ కి లీడర్ గా చేసి మంచి ఫేమ్ సంపాదించాడు. కొన్ని సంవత్సరాల పాటు జబర్దస్త్ లోనే కొనసాగిన వేణు.. అనుకోని కారణాల వల్ల ఆ షోకి దూరమయ్యాడు. చాలా రోజులు తెరపై కన్పించిన వేణు.. బలగం మూవీతో మళ్ళీ ప్రేక్షకులకు ముందుకు వచ్చాడు. బలగం సినిమా డైరెక్ట్ చేసి.. ఆ సినిమాలోనే తను కూడా చిన్న పాత్రని పోషించిన విషయం అందరికి తెలిసిందే.

'బలగం' మూవీ ఇప్పటికే  ఎన్నో ఇంటర్నేషనల్ అవార్డు అందుకోగా.. ఈ సినిమాలో చేసిన ప్రతి ఒక్కరికి గుర్తింపు తెచ్చింది. తాజాగా బలగం  సినిమా వంద ఇంటర్నేషనల్ అవార్డులను సొంతం చేసుకుంది. ఈ విషయాన్ని వేణు తన ఇన్ స్టాగ్రామ్ లో 'విశ్వ విజయ శతకం' అంటూ క్యాప్షన్ పెట్టి కొన్ని ఫొటోలని షేర్ చేసాడు. కాగా ఇప్పుడు ఈ వార్త వైరల్ గా మారి నెట్టింట్లో చక్కర్లు కొడుతుంది.