యాంకర్ గా కెరీర్ మొదలుపెట్టి అతి తక్కువ సమయంలోనే సోషల్ మీడియాలో విపరీతమైన క్రేజ్ దక్కించుకుంది అరియానా గ్లోరీ. సంచలన దర్శకుడు రామ్ గోపాల్ వర్మతో చేసిన ఒక్క ఇంటర్వ్యూతో అరియానా బాగా ఫేమస్ అయిపోయింది. గతేడాది బిగ్ బాస్ సీజన్ 4 లో కంటెస్టెంట్ గా పాల్గొనే ఛాన్స్ ను దక్కించుకుంది. ఈ షోలో అమ్మడు తన ముక్కుసూటితనంతో ఎంతోమంది అభిమానులను సంపాదించుకుంది. పలు సెలబ్రిటీలు సైతం అరియనా యాటిట్యూడ్ కు ఫిదా అయ్యారు.

హౌస్ లో ఉన్నన్ని రోజులు ఆమెకి ఓట్లు వేసి ఫైనల్స్ వరకు తీసుకొచ్చారు. కానీ ఆమె ట్రోఫీ అందుకోలేకపోయింది. హౌస్ నుండి బయటకి వచ్చిన తరువాత అరియానాకు ఇండస్ట్రీలో అవకాశాలు బాగానే వస్తున్నాయి. పలు టీవీ షోలలో కనిపించడంతో పాటు సినిమాలు కూడా సైన్ చేస్తోంది. రీసెంట్ గా ఈ బ్యూటీ పెళ్లికూతురు గెటప్ లో కనిపించడంతో ఆమె పెళ్లి చేసుకోబోతుందంటూ సోషల్ మీడియాలో వార్తలు చక్కర్లు కొట్టాయి.

ఇదిలా ఉండగా.. తాజాగా అరియానా కొత్తింటికి షిఫ్ట్ అయింది. దీనికి సంబంధించిన వీడియో సోషల్ మీడియాలో షేర్ చేసింది. ఈ వీడియోలో అరియానా తన మంకీ బొమ్మను చూపిస్తూ.. చింటూని బాగా మిస్ అయ్యానంటూ సందడి చేసింది. ఎక్కడపడితే అక్కడ సామాన్లతో నిండిపోయి గజిబిజిగా ఉన్న ఇంటిని చూపిస్తూ.. కొత్త ఇంటికి మారాం.. చూడండి ఇదీ మా పరిస్థితి అంటూ ఇన్స్టాగ్రామ్ స్టోరీస్ లో చెప్పుకొచ్చింది. ఈ వీడియో చూసిన నెటిజన్లు.. కొత్తిల్లు కొన్నారా అంటూ ప్రశ్నలు కురిపిస్తున్నారు. కానీ అరియనా మాత్రం సమాధానం చెప్పలేదు!