సోషల్ మీడియా అందుబాటులోకి వచ్చిన తరువాత సామాన్యులకు, సెలబ్రిటీలకు దూరం తగ్గింది. తారలు నేరుగా అభిమానులతో ముచ్చటిస్తున్నారు. తమ వ్యక్తిగత విషయాలను సైతం పంచుకుంటున్నారు. ఈ క్రమంలో తాజాగా బిగ్ బాస్ బ్యూటీ అరియానా తన ఇన్స్టాగ్రామ్ లో లైవ్ సెషన్ లో పాల్గొంది. ఈ క్రమంలో ఆమె ప్రేమ, పెళ్లి, క్రష్ ఇలా చాలా విషయాలపై స్పందించింది. పేరున్న యాంకర్ కానప్పటికీ ఆర్జీవీ ఇంటర్వ్యూతో బాగా పాపులర్ అయింది అరియనా. 

ఆ ఇంటర్వ్యూతోనే బిగ్ బాస్ షోలో ఛాన్స్ కొట్టేసింది. ఇక హౌస్ లో ఆమె ఆట తీరుకి అందరూ ఫిదా అయిపోయారు. కొందరు సెలబ్రిటీలు సైతం అరియనా యాటిట్యూడ్ ను మెచ్చుకున్నారు. ఇక తాజా సెషన్ లో అరియనా అబ్బాయిలపై తన ఫీలింగ్స్ బయటపెట్టి షాకిచ్చింది. "పెద్దలు కుదిర్చిన పెళ్లి చేసుకుంటావా..? ప్రేమ వివాహం చేసుకుంటావా..?" అని ఓ నెటిజన్ అడగ్గా.. "లవ్ మ్యారేజ్ చేసుకుంటా" అనే హింట్ ఇస్తూనే ఏ పెళ్లైనా కాంప్లికేషన్స్ తప్పవని బదులిచ్చింది. తనకు చాలా మందిపై క్రష్ ఉందని.. అయితే బయటకు చెప్పనని తెలిపింది. 

అప్పుడప్పుడు కొంతమంది అబ్బాయిలను చూస్తే 'భలే ఉన్నాడే' అనే ఫీలింగ్ కలుగుతుందని.. మళ్లీ ఎందుకు లేనిపోని ఇబ్బందులు అని ఆలోచించి వెంటనే మర్చిపోతానని ఓపెన్ గా కామెంట్స్ చేసింది. ఈ క్రమంలో అరియనాకు నెటిజన్ల నుండి వరుస ప్రపోజల్స్ రావడంతో ఉక్కిరిబిక్కిరైంది. కొందరు వాట్సాల్ప్ డీపీ, ఫోన్ వాల్ పేపర్ చూపించమని అడగ్గా.. వాటిని సైతం స్క్రీన్ షాట్స్ తీసి షేర్ చేసింది. తన ఫోటోలనే వాల్ పేపర్ గా, డీపీగా పెట్టుకుంది అరియనా.