'జబర్దస్త్' షో బుల్లితెరపై నెంబర్ వన్ కామెడీ షోగా గుర్తింపు తెచ్చుకుంది. ఈ షోని విమర్శించే వారు ఉన్నప్పటికీ.. టాప్ టీఆర్పీ రేటింగ్స్ తో దూసుకుపోతోంది. ఈ షోకి పోటీగా ఎన్ని షోలు వచ్చినప్పటికీ నిలవలేకపోతున్నాయి. ఇదిలా ఉండగా.. జడ్జి ప్లేస్ లో పర్మనెంట్‌గా కూర్చున్న రోజా.. ఇటీవల అనారోగ్య కారణాల వలన పక్కకు తప్పుకోవాల్సి వచ్చింది. ఆమె స్థానంలోకి సీనియర్ హీరోయిన్ ఇంద్రజ వచ్చి చేరింది. 

త‌న‌కు వ‌చ్చిన అవ‌కాశాన్ని స‌ద్వినియోగం చేసుకున్న‌ ఇంద్రజ జడ్జి రోల్‌కి పూర్తి న్యాయం చేసింది. ఎలాంటి హడావిడి లేకుండా చిన్న చిన్న పంచ్ లతో మనో, ఇంద్రజ కాంబినేషన్ ఆకట్టుకుంటోంది. ఇలాంటి సమయంలో మళ్లీ జడ్జి ప్లేస్ లోకి రోజా వచ్చి చేరింది. కొన్నిరోజుల క్రితం దీనికి సంబంధించిన ప్రోమోను వదిలారు. ప్రోమో ఎంటర్టైనింగ్ గానే ఉన్నప్పటికీ.. నెటిజన్లు మాత్రం నెగెటివ్ కామెంట్స్ చేస్తున్నారు. 

చాలా మంది నెటిజన్లు రోజాను ఉద్దేశిస్తూ.. రోజా మాకొద్దు బాబోయ్.. ఇంద్రజనే కావాలంటూ కామెంట్స్ చేస్తున్నారు. రోజా కాస్త ఓవరాక్షన్ చేస్తుందని.. కానీ ఇంద్రజ అలా కాకుండా చాలా జెన్యూన్ గా రెస్పాండ్ అవుతుందంటూ తమ అభిప్రాయాలను కామెంట్స్ రూపంలో తెలియజేస్తున్నారు. కానీ 'జబర్దస్త్' షో నుండి రోజాని తప్పించే ఛాన్స్ లేదు. కాబట్టి ఈ కామెంట్స్ ను చూసి చూడనట్లుగా ఉంటూ రోజానే కంటిన్యూ చేస్తారు నిర్వాహ‌కులు.