యాంకర్ రవి.. యాంకరింగ్ లో ఒక ట్రెండ్ సెట్ చేసిన రవి అందరికి సుపరిచితమే. టీవీ షోస్, ఈవెంట్స్ లలో బిజీగా ఉంటోన్న రవి.. ప్రతి ఫ్యామిలీ ఆడియన్స్ కి దగ్గరగా ఉంటూ వస్తున్నాడు. 'సంథింగ్ స్పెషల్' అంటూ కెరీర్ స్టార్ట్ చేసిన రవి.. ఆ షోతో మంచి పాపులారిటీ సంపాదించుకున్నాడు. అప్పట్లో రవి ఫాలోయింగ్ బాగుండేది. రవి ఆ షో చేస్తుంటే లైవ్ లో తనకి కాల్ చేసి మరీ మ్యారేజ్ చేసుకోమని అడిగేవారు. అప్పట్లో రవికి అంత క్రేజ్ ఉండేది.

ఆ తర్వాత బిగ్ బాస్-5 లో ఎంట్రీ ఇచ్చిన రవికి.. హౌస్ లో పాజిటివ్ ఇంప్రెషన్ కన్నా నెగెటివ్ ఇంప్రెషనే ఎక్కువ వచ్చింది‌. ఏం వచ్చిన ఫేమ్ అయితే వచ్చిందనే చెప్పాలి. రవి ఎంట్రీతో బిగ్ బాస్ విన్నర్ అతనే అని మొదట్లో అనిపించినా.. తను లోపలికి వెళ్ళిన తర్వాత అక్కడ అతను బిహేవ్ చేసిన దానికి... అదంతా తలకిందులై.. అనుకోకుండా రవి బయటకొచ్చేసాడు. తను బిగ్ బాస్ లో ఉన్నప్పుడు జరిగిన ఫ్యామిలీ వీక్ లో.. రవి ఫ్యామిలీ వచ్చినప్పుడు ఎమోషనల్ గా సాగిన ఎపిసోడ్.. మోస్ట్ ఎమోషనల్ ఎపిసోడ్ ఇన్ బిగ్ బాస్ గా చెప్పుకోవచ్చు.

రవి యాంకరింగ్ అంటేనే ఎనర్జిటిక్ గా ఉంటుంది. ప్రేక్షకులను సైతం తన మాటలతో ఉత్తేజపరుస్తాడు. సమ్మర్ వచ్చిందంటే చాలు.. కొందరు సెలబ్రెటీస్.. చిన్న పెద్ద తేడా లేకుండా సమ్మర్ వేకేషన్ అంటూ బయట విదేశాలకు వెళ్ళి ఎంజాయ్ చేసి వస్తున్నారు. ఇప్పుడు అదే బాటలో యాంకర్ రవి కూడా నడుస్తున్నాడు. ఎప్పుడు షోస్, ఈవెంట్స్ తో బిజీగా ఉండే రవి ఈ మధ్య సమ్మర్ వెకేషన్ అంటూ మలేషియా వెళ్ళాడు. దానికి సంబంధించిన కొన్ని ఫొటోస్ ని తన ఇన్ స్టాగ్రామ్ లో షేర్ చేయగా, ఆ ఫొటోస్ అప్పట్లో వైరల్ అయ్యాయి. అయితే రవి ఇన్ స్టాగ్రామ్ లో అప్లోడ్ చేసే కొన్ని పోస్ట్ లకి నెటిజన్లు రకరకాల కామెంట్స్ చేస్తుంటారు. అందులో నెగెటివ్ గా కామెంట్ చేసేవాళ్ళకి రవి ఘాటుగానే రిప్లై ఇస్తాడు.

రవి వెకేషన్ ని ఫ్యామిలీతో కలిసి ఎంజాయ్ చేస్తున్నాడు. హైదరాబాద్ నుండి చెన్నై వెళ్ళిన రవి ఫ్యామిలీ.. అక్కడి నుండి శ్రీలంకకి షిప్ లో వెళ్ళారు. అక్కడ సరదాగ గడుపుతున్నట్టుగా దిగిన ఫోటోలని ఎప్పటికప్పుడు ఇన్ స్టాగ్రామ్ లో పోస్ట్ చేయగా, తాజాగా వాటికి సంబంధించిన ఒక వ్లాగ్ ని 'కోర్డెలియా క్రూస్' అనే పేరుతో తన యూట్యూబ్ ఛానెల్ లో అప్లోడ్ చేసాడు. యాంకర్ రవు, అతని భార్య కలిసి టైటానిక్ షిప్ లో హీరో, హీరోయిన్ లలా ఫీల్ అవుతూ ఫోజ్ ఇచ్చారు యాంకర్ రవి అతని భార్య‌. కాగా ఇప్పుడు ఈ వీడియోకి విశేష స్పందన లభిస్తుంది.