టాలీవుడ్ లో 1980 ల కాలంలో ఒక వెలుగు వెలిగిన నటుడు సుమన్. అప్పటికి ఇండస్ట్రీలో చిరంజీవి, వెంకటేష్, బాలకృష్ణ హవా కొనసాగుతోంది. ఆ టైంలో వీళ్ళందరికీ గట్టి పోటీనిచ్చాడు సుమన్. అలాంటి సుమన్ భార్య ఎవరో తెలుసా.. ఇండస్ట్రీలో ఆమెది ఎంత పెద్ద కుటుంబమో తెలుసా ? "అసలు మీ మాతృ బాషా తుళు కదా..మరి ఈ సంబంధం మీకు ఎలా వచ్చింది" అని యాంకర్ అడిగిన ప్రశ్నకు సుమన్ ఎన్నో విషయాలు చెప్పుకొచ్చారు " నేను పుట్టిపెరిగింది అంతా చెన్నైలోనే. అమ్మ కాలేజీలో ప్రిన్సిపాల్, నాన్న ఇండియన్ ఆయిల్ కార్పొరేషన్ లో జనరల్ మేనేజర్. రైటర్ నరసరాజు కూతురు కవిత నాతో మూవీ తీయడానికి డేట్స్ కోసం వస్తున్నారని మా అమ్మ చెప్పారు. మా ఇంటికి దగ్గర్లోనే వాళ్ళ ఇల్లు. అలా అప్పటికి డైరెక్టర్ డేట్స్ అంటూ నా డేట్స్ అంటూ ఒక ఏడాది గడిచిపోయింది.

ఈ ప్రాజెక్ట్ ఇలా కంటిన్యూ అవుతోంది..మరో వైపు కవిత గారి అమ్మాయి శిరీషతో పెళ్లి ప్రొపోజల్ ని వాళ్ళు తీసుకొచ్చారు. నాతో సినిమా అన్నారు కానీ ఫైనల్ గా మా పెళ్లే సినిమాలా ఐపోయింది. మొదట్లో పెళ్లి ఆలోచన లేకుండా వాళ్ళ ఇంటికి వెళ్లి నరసరాజు గారి సలహాలు తీసుకునేవాడిని. ఎందుకంటే అప్పటికి ఇండస్ట్రీలో సీనియర్ యాక్టర్స్ రామారావు గారికి, కృష్ణ గారికి, నాగేశ్వరావు గారికి, కృష్ణంరాజు గారికి ఆయన స్టోరీస్ ఇచ్చారు. రామారావు గారితో మంచి ఫ్రెండ్ షిప్ ఉంది. క్లైమాక్స్ బాగున్నప్పుడు మూవీ హిట్ అవుతుందంటూ ఎన్నో టిప్స్ ఇచ్చేవారాయన. 1994 లో అలా శిరీషను పెళ్లి చేసుకున్నా..అప్పటికి బావబామ్మరిది సినిమా అవుతోంది. ఆ సమయంలో నాకు చాలా ప్రొపోజల్స్ కూడా వచ్చాయి.

పెళ్లి తర్వాత ఈ మూవీకి ఉత్తమ నటుడు అవార్డు కూడా తెచ్చిపెట్టింది. శిరీష సినిమా ఇండస్ట్రీకి చెందిన అమ్మాయి కాబట్టే మా డేట్స్, అవుట్ డోర్ షూటింగ్స్ వంటి వాటి గురించి బాగా తెలుసు. కాబట్టి అడ్జస్ట్ అయ్యేది. ఆర్టిస్ట్ ని అర్ధం చేసుకోవాలంటే సినిమావాళ్లయితేనే అర్ధం చేసుకుంటారు. బయట వాళ్లకు ఇవేమి తెలియవు కదా. డేట్స్, టైమింగ్స్, ఫిక్స్డ్ టైంలో షూటింగ్స్ ఉండవు.. ఇలా ఎన్నో రకాల సమస్యలు ఉంటాయి. నేను షూటింగ్స్ లో ఉన్నప్పుడు అనవసరంగా నాకు ఫోన్స్ అవీ చేసి విసిగించదు శిరీష. ఫామిలీ లైఫ్ కరెక్ట్ గా ఉండాలి అంటే డబ్బు కన్నా ఆరోగ్యంగా ఉండాలి. ఇవి ఉంటే చాలు. " అని చెప్పారు సుమన్.