English | Telugu
సుధీర్ వస్తే ఆ మాత్రం ఉంటుందమ్మా !
Updated : Aug 16, 2022
సుడిగాలి సుధీర్ గురించి స్పెషల్ గా చెప్పక్కర్లేదు. జబర్దస్త్ షో నుంచి అంచలంచెలుగా ఎదుగుతూ సినిమాల్లో కూడా నటిస్తూ తన మార్క్ ని క్రియేట్ చేసుకుని వెలుగులోకి వచ్చిన వ్యక్తి. మెజీషియన్ నుంచి కమెడియన్ గా తర్వాత టీం లీడర్ గా, క్యారెక్టర్ ఆర్టిస్ట్ గా ప్రోగ్రాం హోస్ట్ గా ఎన్నో పాత్రల్లో నటిస్తూ వస్తున్నాడు. ఇప్పుడు వాంటెడ్ పండుగాడ్ మూవీలో మెయిన్ లీడ్ గా చేశాడు. కె.రాఘవేంద్రరావు సమర్పణలో, శ్రీధర్ సీపాన తీసిన మూవీ ఇది. ఈ మూవీలో సుడిగాలి సుధీర్, సునీల్, అనసూయ, దీపికా పిల్లి వంటి వాళ్ళు ప్రధాన పాత్రలు పోషించారు.
తాజాగా ఈ మూవీ ప్రీ రిలీజ్ ఈవెంట్ ఫంక్షన్ చాలా గ్రాండ్ గా చేశారు. ఇక ఈ ప్రోగ్రాంలో సుడిగాలి సుధీర్ కి ఉన్న క్రేజ్ ఎంతో అందరికి తెలిసొచ్చింది.
ఈ మూవీ గురించి కే.రాఘవేంద్రరావు మాట్లాడిన తర్వాత సుడిగాలి సుధీర్కి మైక్ ఇచ్చేసరికి ఆడియన్స్ ఒక్కసారిగా రెచ్చిపోయారు. అరుపులతో, వీలలతో స్టేజిని మోత మోగించేసరికి ప్రాంగణం మొత్తం దద్దరిల్లిపోయింది. సుడిగాలి సుధీర్కి ఈ రేంజ్ ఫాలోయింగ్ ని చూసి రాఘవేంద్రావు, అనసూయ మాత్రమే కాదు, మిగిలిన వారంతా షాక్ అయ్యారు. రాఘవేంద్రరావు సినిమాలు చూస్తూ పెరిగిన తాను.. ఇప్పుడు ఆయన మూవీలోని నటించే అవకాశం రావడం అదృష్టంగా భావిస్తున్నట్టు చెప్పాడు సుధీర్.