వాసంతి కృష్ణన్ తెలుగు నటి, బిగ్ బాస్ బ్యూటి కూడా. బిగ్ బాస్ సీజన్ 6 లో తన గ్లామర్‌తో ఆకట్టుకుంది ఈ బ్యూటిఫుల్ లేడీ. సిరిసిరి మువ్వా, గోరింటాకు, గుప్పెడంత మనసు లాంటి సీరియల్స్ తో పాపులర్ అయ్యింది వాసంతి. ఇక రీసెంట్ గా తనకు ఇష్టమైన అబ్బాయిని కూడా పెళ్లి చేసుకుంది. వాసంతి సోషల్ మీడియాలో షేర్ చేసే గ్లామర్ ఫొటోస్ కి స్పెషల్ ఫాన్స్ కూడా ఉన్నారు. ఇక సోషల్ మీడియాలో ఫుల్ యాక్టివ్ గా కూడా ఉంటుంది. ఐతే సెలబ్రిటీస్ అంతా కూడా బెట్టింగ్ యాప్స్ ని ప్రమోట్ చేస్తూ ఉంటారు. వాసంతి కూడా అలాంటి బెట్టింగ్ యాప్ ని ప్రమోట్ చేసింది.

ఐతే ఇప్పుడు ఒక తన ఇన్స్టాగ్రామ్ లో ఒక స్టేటస్ పోస్ట్ చేసింది. "హలో ఫ్యామిలీ ..నేను బెట్టింగ్ / ట్రేడింగ్ ప్రమోషన్‌లు ఎం చేసినా అవి పెయిడ్ ప్రొమోషన్స్ కాబట్టి చేస్తున్నాను ..ఎందుకంటే అవే మా జీవనాధారం.. నేనే కాదు.. ఏ సెలబ్రిటీ ఏ ప్రమోషన్ చేసినా వాళ్ళ సంపాదన కోసమే చేస్తారు. కాబట్టి మీరు ఓకే అనుకుంటేనే మీ డబ్బు ఖర్చు చేయండి.. దయచేసి మీ డబ్బు ఖర్చు చేసే ముందు ఒకటికి రెండుసార్లు ఆలోచించండి" అంటూ ఒక అవేర్ నెస్ ని క్రియేట్ చేస్తూ పోస్ట్ పెట్టింది. ఎందుకంటే చాలా మంది ఈ మధ్య కాలంలో ఈజీ మనీ కోసం అలవాటు పడుతున్నారు. దాని వల్ల బెట్టింగ్ , ట్రేడింగ్ యాప్స్ లో మనీ ఇన్వెస్ట్ చేసి మోసపోయి ఆత్మహత్యలు చేసుకుంటున్న ఎన్నో ఇన్సిడెంట్స్ ని మనం చూస్తూనే ఉన్నాం. అలా జరగకుండా ఉండేందుకు ముందుగా వాసంతి ఒక హెచ్చరిక లాంటిది పోస్ట్ చేసింది.