సుమ అడ్డా షో ఈ వారం ఫుల్ ఎంటర్టైనింగ్ గా సాగింది..ఇక ఈ షోకి ఎక్స్ట్రా ఆర్డినరీ మ్యాన్ మూవీ టీమ్ నుంచి వక్కంతం వంశి, బ్రహ్మాజీ, హైపర్ ఆది, నితిన్ వచ్చారు... ఇక ఇందులో బ్రహ్మాజీ-నితిన్ ఒక టీమ్ గా ఉన్నారు. ఐతే ఫస్ట్ రౌండ్ దోచెయ్ లో వీళ్ళను ఒక ప్రశ్న అడిగింది "పోలీస్ అనగానే మనకు గుర్తొచ్చేదేమిటి" అనే అడగగానే ఆన్సర్స్ చెప్పారు ఇద్దరు.

ఇక తర్వాత బ్రహ్మజీని మళ్ళీ సుమ అడిగింది. "మీకు పోలీసు స్టేషన్ తో ఏమన్నా అనుభవాలు ఉన్నాయా..?" చాల మూవీస్ లో పోలీస్ క్యారెక్టర్స్ వేసాను. ఇక అలా పోలీస్ డ్రెస్ వేయడం వలన బయట పోలీసులు కూడా నాకు రెస్పెక్ట్ ఇస్తారు. ఎక్కడ సెక్యూరిటీ ఉన్నా కూడా సీఎం కంటే ముందు నన్నే పంపిస్తారు" అనేసరికి షాకయ్యింది సుమ... "మీరు ఆల్మోస్ట్ మనుషులు ఎన్ని క్యారెక్టర్స్ చేయగలుగుతారో అన్ని చేసేసారు కదా ..డాక్టర్ , లాయర్, పోలీసు.."అని సుమ అనేసరికి "ఇంకా చేయాల్సిన రోల్స్ చాల ఉన్నాయి." అన్నారు బ్రహ్మాజీ. "ఏమిటి మీకు చేయాలనుకున్న మిగిలిపోయిన రోల్స్" అని సుమ అడిగేసరికి " సుమ అడ్డా షోకి యాంకరింగ్ చేయాలి" అంతేనా.."ఇక్కడే ఉన్నారుగా రండి యాంకరింగ్ చేయండి అని సుమ అనేసరికి...ఊరకే ఆ నాలుగు బ్రాండ్స్ నేమ్స్ చదవండి" అన్నాడు హైపర్ ఆది.

"నేను ఈ యాడ్స్ ని ఇలా గుర్తు పెట్టుకుని చదవను..ఎదురుగా వస్తే చెప్తాను" అని బ్రహ్మాజీ అనేసరికి "ప్రాంప్టార్ ఉన్నప్పుడు పిలుస్తాం" అని కౌంటర్ వేసింది సుమ. ఇక బ్రహ్మాజీ సుమ మీద వచ్చిన దగ్గర నుంచి సెటైర్స్ వేస్తూనే ఉన్నారు. షోలో తినడానికి సుమ ఐస్క్రీమ్ ఇచ్చేసరికి ఇవి స్నాక్స్ భోజనాలెప్పుడు అంటూ రీసెంట్ గా సుమ ఒక ప్రొమోషన్స్ లో జర్నలిస్టులను ఉద్దేశించి అన్న కామెంట్స్ ని ఇక్కడ రిపీట్ చేసి బ్రహ్మాజీ సుమకి తలపోటు తెప్పించారు.