బిగ్ బాస్ సీజన్ 6 ఇరవై మంది కంటెస్టెంట్స్ తో మొదలైంది. ఇందులో ప్రతి వారం ఒక్కొక్కరుగా బయటికి వస్తోన్నారు. అయితే ప్రతి సీజన్లో వైల్డ్ కార్డు ఎంట్రీగా ఎవరో ఒకరు వస్తుంటారు అనేది అందరికి తెలిసిందే. కాగా ఈ సీజన్ లో ఇప్పటి వరకు వైల్డ్ కార్డ్ ఏంట్రీగా ఎవరు రాలేదు. అయితే ఈ మధ్య 'సుడిగాలి సుధీర్' వైల్డ్ కార్డు ఎంట్రీగా వస్తున్నాడన్న ప్రచారం జోరుగా చక్కర్లు కొడుతోంది. కాగా ఇప్పటివరకు అధికారంగా ఈ సీజన్లో వైల్డ్ కార్డు ఎంట్రీ ఉందని చెప్పిన, అలా ఏమి జరుగలేదు.

ఇప్పడు మాత్రం కచ్చితంగా బిగ్ బాస్ లోకి ఎవరో ఒకరు ఎంట్రీ ఇవ్వబోతున్నట్లు ప్రచారం. రెండు నెలలుగా బుల్లితెరలో కనిపించకుండా పోయిన జబర్దస్త్ హీరో సుడిగాలి సుధీర్, బిగ్ బాస్ లోకి వెళ్తున్నాడేమోనని సమాచారం. అయితే సుధీర్ జబర్దస్త్ లో కనిపించకుండా పోవడానికి కారణం, ఒక టీవీ యాజమాన్యం వారు భారీ ఖర్చుతో నిర్విహించే ఒక ప్రోగ్రాంకి భారీ పారితోషకం ఇచ్చి ఒప్పందం కుదుర్చుకొన్నారంట. అయితే ఆ ప్రోగ్రామ్ క్యాన్సిల్ అవ్వడంతో సుధీర్ కాళీగా ఉన్నట్లు తెలుస్తోంది. అతడు జబర్దస్త్ ని వదిలి రావడానికి ఆ టీవి వాల్లే కారణం. అందుకే సుధీర్ ని బిగ్ బాస్ లోకి పంపిస్తున్నట్లు తెలుస్తోంది. ప్రస్తుతం హౌస్ లో గీతు, రేవంత్, ఆదిరెడ్డి, శ్రీహాన్ వీళ్ళు మాత్రమే స్ట్రాంగ్ కంటెస్టెంట్స్ గా ఉన్నారు. కాగా కమెడియన్ గా వచ్చిన చలాకీ చంటి, హౌస్ లో ఎలాంటి ఎంటర్టైన్మెంట్ ఇవ్వలేకపోయాడు. ఒక ఫైమా తప్ప హౌస్ లో ఎవరు కామెడి పండించలేకపోతున్నారనేది అందరికీ తెలిసిందే. ఈ సీజన్ లో టాస్క్ లు, నామినేషన్లు మినహాయించి ప్రేక్షకులకు మాత్రం కాస్త బోర్ అనే చెప్పాలి. అందుకే బిగ్ బాస్ హౌస్ లో ఉత్సాహాన్ని నింపడానికి సుడిగాలి సుధీర్ ని పంపిస్తారేమోనని అనుకొంటున్నారు.

సుధీర్ ఎంట్రీ నిజం అయితే, ఈ సీజన్ విన్నర్ అతనే అవుతాడనే నెటిజన్లు అనుకొంటున్నారు. అయితే వచ్చే వారంలో సుధీర్ ఎంట్రీ ఉండబోతుందట. కాగా ఈ వార్తల్లో ఎంత వరకు నిజం ఉందో చూడాలి మరి.