జబర్దస్త్ లో ఈమధ్య లవ్ ఎపిసోడ్స్ మస్తుగా బయటపడుతున్నాయి. ఈ షోలో ప్రేమలో పడిన వాళ్ళు దూసుకుపోతూ పెళ్లిళ్ల వరకు వెళ్తూ మిగతా షోస్ కి జంటలు జంటలుగా వెళ్తున్నారు. అలాంటి లవ్ స్టోరీ ఇప్పుడు రాకింగ్ రాకేష్, జోర్దార్ సుజాతది. వీళ్ళ ప్రేమ పీక్స్ కి వెళ్ళింది. ఇటీవల వరలక్ష్మి వ్రతం సందర్భంగా సుజాత వెళ్లి రాకేష్ ఇంట్లో పూజ కూడా చేసేసింది. పెళ్లి కాకుండా ఆ ఇంట్లో పూజలేంటి అన్నవాళ్లకు మా మనసులు ఎప్పుడో కలిశాయని చెప్పకనే చెప్పేసింది. ఇక ఇప్పుడు శ్రావణ మాసం సందర్భంగా 'శ్రావణ సందడి' పేరుతో ఈటీవీలో జ్ఞాపిక ఎంటర్టైన్మెంట్స్ వాళ్ళు ఒక కార్యక్రమాన్ని ఆదివారం రాత్రి 7 గంటలు ప్రసారం చేయబోతున్నారు. ఈ షోకి అనసూయ, రవి హోస్టింగ్ చేశారు.

అలాగే సినీ న‌టుడు నవీన్ చంద్ర కూడా ఈ షోలో పాల్గొన్నారు. ఇంకా ఈ షోలో ఎన్నో ఈవెంట్స్ కూడా నిర్వహించనున్నారు. ఐతే ఈ షోలో సుజాత, రాకేష్ తమ నిజమైన ప్రేమను చూపించేసి ముద్దులు పెట్టేసుకునేసరికి వీళ్ళ వ్యవహారం సోషల్ మీడియాలో ఫుల్ వైరల్ అవుతోంది. "షో కోసం షో చేసే జంట కాదు, మాది జీవితాంతం కలిసి ఉండే జంట" అంటూ రాకేష్ ఈ షోలో సుజాతకు ప్రపోజ్ చేస్తాడు. ఇలా అందరి ముందు తమ ప్రేమని బయటపెట్టేసి ముద్దులతో, హగ్గులతో రెచ్చిపోయారు. ప్రస్తుతం ఆ సీన్స్ తో కట్ చేసిన ప్రోమో యూట్యూబ్‌లో ట్రెండ్‌ అవుతోంది. జబర్దస్త్, బిగ్‌ బాస్‌, టీవీ ఆర్టిస్టులు, సింగర్లు ఈ షోలో పాల్గొన్నారు. ఇక ఈ ప్రోమోలో అమ్మాయిలకు, అబ్బాయిలకు మధ్య పోటీలు జరిగాయి.

ఎవరు గొప్ప అనే విషయంలో, ఒకరి మధ్య ఒకరికి పోటీ బాగా జరిగింది. అలాగే పంచ్‌లు, సెటైర్లు వేసుకుంటూ ఆద్యంతం నవ్వులు పూయించారు. అనసూయ గ్రీన్ కలర్ శారీలో శివగామిని గుర్తుచేసింది. ఇలా ఈ షో నెక్స్ట్ వీక్ అందరిని ఫుల్ ఎంటర్టైన్ చేయనుంది.