బిగ్ బాస్ లో ప్రతీవారం నామినేషన్లో ఉంటు తన పర్ఫామెన్స్ తో మెప్పిస్తున్న శ్రీహాన్. ఇప్పుడు బిగ్ బాస్ చూసే ప్రేక్షకులకు అందరికి సుపరిచితమే. ఇతను 1988 అక్టోబర్ 19న వైజాగ్ లో జన్మించాడు. ఇతనకి చిన్నతనం నుండి నటన అంటే ఇష్టం ఉండేదట, కాగా చదువు అంతా కూడా వైజాగ్ లో పూర్తి చేసాడట. చదువు పూర్తి అయ్యాక నేవీలో జాబ్ సంపాదించుకున్నాడు. కానీ అతనికి నటన అంటే ఇష్టంతో జాబ్ వదిలేసి నటన వైపు అడుగులేసాడట. ఆ తర్వాత హైదరాబాద్ కి వచ్చాడు. సినిమాల్లో ఛాన్స్ ల కోసం చాలా ప్రయత్నించాడు. ఆ తర్వాత షార్ట్ ఫిలిమ్స్ లో‌ ఛాన్స్ లభించడంతో తను నటించడం మొదలుపెట్టాడు. కాగా శ్రీహాన్ మంచి డాన్సర్ గా, యాక్టర్ గా పేరు తెచ్చుకున్నాడు. తర్వాత ఎన్నో లఘుచిత్రాలలో నటించాడు. తను నటించిన షార్ట్ ఫిలిమ్స్ ని ఎక్కువ మంది వీక్షించేవాళ్ళు. అయితే బిగ్ బాస్ సీజన్-5 లో తన ఫియాన్సీ అయిన సిరి హనుమంత్ కంటెస్టెంట్ గా ఉన్నప్పుడు, తనను కలవడానికి బిగ్ బాస్ స్టేజి మీదకి వచ్చాడు. అప్పుడు అతను మాట్లాడిన తీరు బాగుండడంతో తనకి ఈ సీజన్ లో అవకాశం ఇచ్చారని తెలుస్తోంది.

బిగ్ బాస్ హౌస్ లోకి మూడవ కంటెస్టెంట్ గా అడుగుపెట్టిన శ్రీహాన్. మొదటి రోజు నుండి తనదైన శైలిలో ఆడుతూ ప్రేక్షకులకు ఎంటర్టైన్మెంట్ ఇస్తూ వస్తోన్నాడు. కాగా 'ఆల్ రౌండర్ అఫ్ హౌస్' అని కూడా పిలుచుకుంటున్నారు హౌస్ మేట్స్. అయితే హౌస్ లో గొడవలకు తావు ఇవ్వకుండా, అందరితో మంచిగా ఉంటూ మాత్రం వస్తోన్నాడు. ఒక్క ఇనయాతో చిన్న గొడవ ఉన్నా కూడా, గత వారం నుండి ఇద్దరు మంచి స్నేహితులుగా మారిపోయి ప్రస్తుతం బాగానే ఉంటోన్నారు. తన అట తీరుతో, మాటతీరుతో అటు హౌస్ మేట్స్ ని, ఇటు ప్రేక్షకులను ఆకర్షిస్తూ వస్తోన్నాడు ఈ యంగ్ డైనమిక్. ఈ సీజన్ టైటిల్ విజేత అవుతాడనే ప్రచారం జోరుగా సాగుతోంది.

శ్రీహాన్ రెమ్యూనరేషన్ విషయానికొస్తే హౌస్ లో రేవంత్ తరువాత ఎక్కువ రెమ్యూనరేషన్ తీసుకుంటున్నట్లుగా తెలుస్తోంది. అయితే ఒక్క రోజుకి రెమ్యూనరేషన్ యాభై వేల నుండి అరవై వేల వరకు ఉండొచ్చని ప్రచారంలో ఉంది. కాగా ఇతను ప్రతీ వారం నామినేషన్లో ఉండగా, తన పర్ఫామెన్స్ తో ప్రేక్షకులను మెప్పిస్తూ, సేవ్ అవుతూ వస్తోన్నాడు. మునుముందు తన పర్ఫామెన్స్ తో ఎలా ఆకట్టుకుంటాడో చూడాలి మరి.