బుల్లితెర మీద డాన్స్ షోస్ కి ఎక్కువగా శేఖర్ మాస్టర్ జడ్జ్ గా వస్తూ ఉంటారు. ఆయన టాలీవుడ్ లో ఎన్నో సాంగ్స్ కి కొరియోగ్రాఫ్ చేశారు. ఐతే రీసెంట్ గా ఒక ఇంటర్వ్యూలో కొన్ని విషయాలు షేర్ చేసుకున్నారు. "కొరియోగ్రఫీ విషయంలో నాకు ఒకటి బాధ కలిగిస్తుంది. ఇంత కష్టపడి చేస్తే కొరియోగ్రాఫ్ చేస్తే ఒక డాన్స్ కి యూట్యూబ్ లో కానీ ఇంకెక్కడైనా కూడా క్రెడిట్స్ కింద కొరియోగ్రాఫర్ పేరు ఉండదు. అక్కడ చాలా బాధేస్తుంది. సాంగ్ రిలీజ్ చేసాక మ్యూజిక్ డైరెక్టర్ ది, పాడిన వాళ్ళ పేర్లు, రచయిత పేరు కూడా వేస్తారు కానీ కొరియోగ్రాఫర్ పేరు మాత్రం వేయరు. ఐతే కొందరు మర్చిపోతారేమో.. అదొక్క విషయంలోనే బాధగా ఉంటుంది.

మనం ఒక పని చేసాక క్రెడిట్స్ తీసుకోవాలి. కొరియోగ్రాఫ్ చేసినందుకు డబ్బు మనకు సాటిస్ఫాక్షన్ ఇస్తుంది కానీ టెక్నీషియన్స్ కి ఆ క్రెడిట్స్ అలాగే బాగా చేస్తే ఒక ఫోన్ చేసి బాగా చేశారు అని చెప్పే మాట ఎంతో ఆనందాన్ని కలిగిస్తాయి. అలా చెప్తే ఇంకా ఎంకరేజ్మెంట్ గా ఉంటుంది ఆ క్రెడిట్స్. ప్రభుదేవా గారి నుంచి నాకు మంచి అప్రిసియేషన్ వచ్చింది. ఆయన ఉన్నారు కాబట్టే నేను ఈరోజు ఈ పొజిషన్ లో ఉన్నాను. నాకు ఆయన డాన్స్ అంటే ఇష్టం. నేను ఆయన దగ్గర వర్క్ కూడా చేయలేదు. ఇంటర్ ఫస్ట్ ఇయర్ సమ్మర్ హాలిడేస్ లో ఎం చేయాలో తెలీక అలా రోడ్డు మీద వెళ్తుంటే ఒక డాన్స్ ఇన్స్టిట్యూట్ కనిపించింది. ఈ హాలిడేస్ లో ఎం చేస్తాం డాన్స్ నేర్చుకుందాం అనుకున్నా..అలా అక్కడ జాయిన్ అయ్యాను. అప్పుడు మస్తాన్ మాష్టర్ ఉన్నారు. ఏ డాన్స్ స్టైల్ కావాలి అన్నారు. ప్రభుదేవా మాష్టర్ చేసే డాన్స్ స్టైల్ అన్నాను. ఆయన సాంగ్స్ ఆయన మూవ్మెంట్స్ చూసి ఇంటికి వెళ్లి ప్రాక్టీస్ చేసేవాడిని. "టాపు లేచిపోద్ది" సాంగ్ చూసి ప్రభు మాష్టర్ వేరే వాళ్ళ దగ్గర నా నంబర్ తీసుకుని ఫోన్ చేసి చాలా చాలా బాగుంది అన్నారు. నేను ఆయన మాట్లాడేసరికి ఇదంతా నిజమా అని నేను నమ్మలేకపోయా. తర్వాత "యాక్షన్ జాక్ సన్" మూవీకి కొరియోగ్రాఫ్ చేయాలి అంటే ఆస్ట్రేలియా వెళ్లి రెండు సాంగ్స్ చేశా." అని చెప్పాడు శేఖర్ మాస్టర్.