'కృష్ణ ముకుంద మురారి' సీరియల్ ఇప్పుడు ఎపిసోడ్ -61లోకి అడుగుపెట్టింది. కాగా సోమవారం నాటి ఎపిసోడ్ లో... ముకుంద తనకి జరిగిన సంఘటనని అవమానంగా భావించి ఎవరికి చెప్పకుండా ఇంట్లో నుండి తనకి పుట్టింటికి వెళ్ళిపోతుంది.

ఆ తర్వాత ఇంట్లో అందరూ ముకుంద కన్పించడం లేదని కంగారుపడుతుంటారు. ఇంతలో భవానికి వాయిస్ మెసేజ్ పంపిస్తుంది ముకుంద. " నా భర్త ఆదర్శ్ నన్ను వదిలేసి వెళ్లినప్పటి నుండి మీరందరు నా వాళ్ళు అనుకొని... మా అమ్మనాన్నలు రమ్మని పిలిచినా వెళ్లకుండా నా కుటుంబంతోనే ఉంటానని చెప్పి పంపించేసాను. ఇప్పుడు మీరు కుటుంబంలో ఒక కోడలు గా కూడా నన్ను భావించట్లేదు.. ఇంకో కోడలు వచ్చాక నా గురించి పట్టించుకోవడం మానేసారు.. అందుకే మా పుట్టింటికి వెళ్తున్నాను... ఎవరికీ చెప్పకుండా వెళ్తున్నందుకు నన్ను క్షమించండి పెద్ద అత్తయ్యా" అంటూ చేసిన వాయిస్ మెసేజ్ ని ఇంట్లో వాళ్ళు అందరూ వింటారు.

ముకుంద వెళ్తూ వెళ్తూ ఇంట్లో వారిపై ఈ ఆరోపణలు ఏంటని భవానిని అడుగుతుంది రేవతి. నువ్వు అయ్యినా నగలు తీసుకుంటున్నానని ముకుందని ఒక్క మాట అడిగితే తను ఇంత బాధపడి ఉండేది కాదు. ఆదర్శ్ ఇంట్లో లేడు కదా తనని మనం ఎంత బాగా చూసుకోవాలంటూ భవాని ఇంట్లో వారిపై కోప్పడుతుంది. నా వల్లే వెళ్ళింది కాబట్టి నేనే వెళ్లి ముకుందని తీసుకొస్తానంటు రేవతి వెళ్తుంది.

రేవతి వస్తున్న విషయాన్ని ముకుందకి ముందుగానే కాల్ చేసి చెప్తుంది అలేఖ్య. రేవతి వెళ్ళి ముకుందని ఇంటికి రమ్మని అడిగితే... రానంటూ సూటిగా చెప్తుంది ముకుంద. ఆ తర్వాత ఏం జరిగిందో తెలియాలంటే తర్వాత ఎపిసోడ్ వరకు ఆగాల్సిందే...!