సౌత్‌ ఇండియాలోనే అతిపెద్ద డ్యాన్స్‌ రియాలిటీ షోగా 'ఢీ' షో మంచి గుర్తింపు తెచ్చుకుంది. ఇప్పటికే 13 సీజన్లు పూర్తి చేసుకుని.. ప్రస్తుతం 14వ సీజన్‌ దుమ్ము రేపుతోంది. మంచి రేటింగ్‌తో రన్‌ అవుతోంది. టాలెంట్ ఉన్న ఎంతో మందికి ఈ షో చక్కని వేదికగా నిలుస్తోంది. ఈ షో ద్వారా పరిచయమైన ఎంతో మంది నేడు టాప్‌ కోరియోగ్రాఫర్స్‌గా ఇండస్ట్రీలో గుర్తింపు తెచ్చుకున్నారు.

ఈ షోలో డ్యాన్స్‌తో పాటు టీమ్‌ లీడర్స్‌, యాంకర్స్, జడ్జెస్‌ అందరూ కలిసి చేసే ఫన్నీ స్కిట్లు కూడా ఆడియన్స్‌ని బాగా ఎంటర్టైన్ చేస్తూ ఉంటాయి. వీటికి మిలియన్ల కొద్ది వ్యూస్‌ వస్తూ ఉంటాయి. టాప్‌ రేటింగ్‌తో దూసుకుపోతున్న ఈ షో ఇప్పుడు గ్రాండ్ ఫినాలే దిశగా అడుగులేస్తోంది.

ఏదైనా షో ఫైనల్‌కి చేరుకున్నప్పుడు ఇండస్ట్రీలోని ప్రముఖుల్ని ఆహ్వానించడం ఆనవాయితీ. అందులో భాగంగా ఇప్పుడు ఈ ఢీ 14 గ్రాండ్ ఫినాలేలో రాబోయే ఎపిసోడ్‌కి సంబంధించిన ప్రోమో లేటెస్ట్‌గా రిలీజ్ అయ్యింది. ఈ గ్రాండ్ ఫినాలేకి వచ్చే ప్రముఖులు ఎవరా అని ఎదురుచూస్తున్న ఆడియెన్స్‌కి మేకర్స్ గుడ్ న్యూస్ చెప్పారు. ‘మాస్ మహారాజా’గా ప్రసిద్ధి చెందిన రవితేజని ఈ షో గ్రాండ్ ఫినాలేకి ఆహ్వానిస్తున్నారు.

ఇక రవితేజ కామెడీ టైమింగ్ పీక్స్ అని చెప్పొచ్చు. ఈ షో కంటెస్టెంట్స్ ఐనసోమేష్, మహాలక్ష్మి.. ఇంకా కొందరు ఈ సీజన్‌లో ఇప్పటికే ఆడియన్స్ దృష్టిని ఆకర్షించారు. ఈ గ్రాండ్ ఫినాలేలో ట్రోఫీ ఎవరు గెలుచుకోబోతున్నారు అనేది ప్రస్తుతానికి సస్పెన్స్.