"అలా మొదలయ్యింది" షోలో వచ్చే సెలబ్రిటీస్ చెప్పే విషయాలు ప్రతీ వారం ఆడియన్స్ ని ఎంటర్టైన్ చేస్తూ ఉంటాయి. అలాంటి షోకి ఈ వారం సింగర్ చిన్మయి శ్రీపాద, యాక్టర్ రాహుల్ రవీంద్రన్ ఇద్దరూ జంటగా వచ్చారు. అందులో ఎన్నో విషయాలను షేర్ చేసుకున్నారు.." డెలివరీ టైంలో ఏదో విషయం జరిగిందట కదా...చాలా ఎమోషనల్ కూడా అయ్యారట.. అదేంటో షేర్ చేసుకుంటే బాగుంటుంది అని కిషోర్ అనేసరికి " నా లైఫ్ లో చిన్నూ డెలివరీని అస్సలు మర్చిపోలేను. డెలివరీకి ఇంకా వన్ వీక్ టైం ఉంది...రొటీన్ చెకప్ కి వెళ్ళినప్పుడు టెక్నికల్ గా డాక్టర్ ఏదో విషయం చెప్పారు.

రేపటి కల్లా సిజేరియన్ చేయాలి అని..అంతా ప్రిపేర్ చేసుకున్నాం. రెండో రోజు చిన్మయిని ఆపరేషన్ థియేటర్ లోకి తీసుకెళ్లారు. నేను కూడా తనతో ఉండాలి కదా అని లోపలి వెళ్లాను...చిన్మయి మీద ఫుల్ గా బ్లాంకెట్ ఒకటి కప్పేసరికి తనకు ఏమీ కనిపించడం లేదు. చిన్మయి బెడ్ మీద పడుకునేటప్పుడు బ్లూ టూత్ పెట్టి ఒక శ్లోకం ఆన్ చేసింది. ఆ శ్లోకం వింటూ పిల్లలు పుట్టాలని. కానీ డాక్టర్ ఎం చేశారంటే బ్లూ టూత్ ఆఫ్ చేసి నువ్వు పాడమ్మా అన్నారు..ఏం మాట్లాడుతున్నారు మీరు ... అక్కడ కట్ చేస్తున్నారు బ్లడ్ వస్తోంది..పాట పడమంటున్నారేంటి అని నేను అడిగేసరికి ఏం కాదు నువ్వు పాడమ్మా అని చిన్మయికి చెప్పారు.

తనకు అనెస్థీషియా ఇచ్చారు కదా తనకు ఏం జరుగుతోందో తెలియడం లేదు...తాను మాములుగానే పాడుతూ ఉంది..అది చూసేసరికి నేను కళ్ళు తిరిగి పడిపోయాను. డాక్టర్స్ తమ పనిలో తాము ఉంటే చిన్మయి భజన పాడుతోంది. కట్ చేస్తే ట్విన్స్ పుట్టారు. వాళ్ళను తీసుకొచ్చి ముందుగా నా చేతుల్లో పెట్టారు. ధ్రిప్తని చిన్నూ పక్కన పడుకోబెట్టగానే చిన్న నవ్వు నవ్వింది. నేను అవుట్..నా కూతురు, నా భార్య నవ్వుతున్నారు నేను షాక్ నిజంగా.." అని రాహుల్ రవీంద్రన్ చెప్పేసరికి "ఆ హాస్పిటల్ లో ఆ రోజు ఏడుస్తూ ఒక వీడియో తీసుకున్నాడు. ఆ రోజు తనకు స్పెషల్ డే అనే విషయం ఎప్పటికీ గుర్తుండాలి అది దాచుకున్నాడు. అది పిల్లల 18 వ బర్త్ డే ఇద్దామని ఉంచారు" అని చెప్పింది చిన్మయి.