'బ్రహ్మముడి' సీరియల్ లో నటిస్తున్న రాజ్ అలియాస్ మానస్ గురించి ప్రత్యేకంగా చెప్పనక్కర్లేదు. బిగ్ బాస్ షోలోకి వెళ్ళొచ్చాక మంచి క్రేజ్ లో ఉన్నాడు మానస్. ఒకవైపు సీరియల్, మరొకవైపు ప్రైవేట్ ఆల్బమ్స్ తో బిజీ గా ఉన్నాడు. స్టార్ మా టీవీలో ప్రసారమవుతున్న సీరియల్ బ్రహ్మముడి. ఈ సీరియల్ అత్యంత ప్రేక్షకధారణ పొందిన సీరియల్ అనడంలో ఆశ్చర్యం లేదు. మానస్ ఆ సీరియల్ లో రాజ్ పాత్రలో మెప్పిస్తున్నాడు.

రాజ్ చిన్నప్పటి నుండి యాక్టింగ్ మీద ఇంట్రస్ట్ తో చైల్డ్ ఆర్టిస్ట్ గా తన కెరీర్ ని మొదలుపెట్టాడు‌. రాజ్ మధ్యలో సినిమాలకి బ్రేక్ ఇచ్చిన తర్వాత బిగ్ బాస్ ఎంట్రీతో మంచి ఫామ్ లోకి వచ్చాడు. ఆ తర్వాత వరుస ఆఫర్స్ తో బిజీ గా ఉంటున్నాడు. హౌస్ లో ఉన్నన్ని రోజులు ప్రియాంక సింగ్ తన చుట్టూ తిరిగినా అసలు పట్టించుకోకుండా, తన గేమ్ తను ఆడుతూ ప్రేక్షకులకు దగ్గర అయ్యాడు మానస్. అంతే కాకుండా విష్ణుప్రియతో ప్రైవేట్ అల్బమ్స్ చేశాడు. 'జరి జరి పంచే కట్టు', 'గంగులు' పాటలకి మిలియన్స్ లలో వ్యూస్ వచ్చాయి. అయితే మానస్ ఫ్యామిలీకి ఎంత ఇంపార్టెన్స్ ఇస్తాడో అందరికి తెలుసు. తన తల్లికి ఎంత ఇంపార్టెన్స్ ఇస్తాడో, బిగ్ బాస్ లో ఉన్నప్పుడు చాలా సందర్భాలల్లో చెప్పుకొచ్చాడు.

తాజాగా మానస్ తన దగ్గరి బంధువు అయిన శ్రీజతో ఎంగేంజ్ మెంట్ చేసుకున్నాడు. త్వరలోనే శ్రీజని పెళ్లి చేసుకోనున్నాడు. సన్నిహితులు, బంధువుల మధ్య గ్రాంఢ్ గా మానస్, శ్రీజ ల ఎంగేజ్ మెంట్ జరిగింది. దానికి సంబంధించిన కొన్ని ఫొటోలు ఇప్పుడు సోషల్ మీడియాలో వైరల్ అవుతున్నాయి. మానస్ కి బిగ్ బాస్ ఫ్రెండ్స్ అయిన కాజల్, విజే సన్నీ ఇద్దరు తమ ఇన్ స్టాగ్రామ్ లలో రాజ్ కి విషెస్ ని తెలియజేశారు‌. రాజ్ తన ఇన్ స్టాగ్రామ్ ప్రొఫైల్ లో ' ఏంగేజ్డ్' అని పోస్ట్ చేశాడు.