స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ గురువారం నాటి ఎపిసోడ్ -177 లో.. కృష్ణమూర్తి, కనకం‌ ఇద్దరు.. కాంట్రాక్ట్ పోయింది. ఆదాయం వచ్చే మార్గం పోయింది. అప్పు తీర్చే అవకాశం పోయిందని బాధపడుతారు. అప్పుడే కావ్యని తీసుకొని రాజ్ రావడం చూసిన కనకం, కృష్ణమూర్తి ఇద్దరు షాక్ అవుతారు. కావ్య పుట్టింటికి రావడం ఇష్టం లేని అత్తింటి వాళ్ళు తనని పుట్టింటికి పంపించేసారని ఇద్దరు తప్పుగా అనుకుంటారు.

ఆ తర్వాత మనం కావ్యని ఇక్కడికి రానిచ్చి తప్పు పని చేసాం.. ఇప్పుడు తన కాపురం ఇలా అయిపోయిందని అనుకొని కావ్య దగ్గరికి కనకం, కృష్ణమూర్తి వెళ్తారు. తప్పు చేసాం అల్లుడు గారు.. నా కూతురిని మళ్ళీ మీ ఇంటికి తీసుకొని వెళ్ళండని రాజ్ తో కృష్ణమూర్తి అంటాడు. కృష్ణమూర్తి మాట్లాడింది రాజ్ కి అర్థం కాదు.. కనకం, కృష్ణమూర్తి ఇద్దరు రాజ్ ని బ్రతిమిలాడుకోవడం చూసిన కావ్య.. ఆపండి మీరు తప్పుగా అనుకుంటున్నారని, తన అత్తింటి వాళ్ళు వాళ్ళింటికి వచ్చి పని చెయ్యడానికి ఒప్పుకున్న విషయం కావ్య చెప్పగానే.. కనకం, కృష్ణమూర్తి‌ ఇద్దరు సంబరపడిపోతారు. రాజ్ ని ఇంట్లో కి వచ్చి టిఫిన్ చేసి వెళ్ళమంటారు. మరొక వైపు కావ్యని తన పుట్టింట్లో డ్రాప్ చెయ్యమని రాజ్ కి సీతరామయ్య చెప్పడం నచ్చని అపర్ణ వచ్చి సీతారామయ్యని మీరు అలా ఎందుకు చెప్పారని అడుగుతుంది.‌ వాళ్ళు భార్యభర్తలని కావ్యకి సపోర్ట్ ఇస్తూ సీతరామయ్య మాట్లాడేసరికి అపర్ణ కోపంగా అక్కడ నుండి వెళ్ళిపోతుంది. మరొక వైపు అజ్ఞాత అభిమాని కోసం మళ్ళీ కళ్యాణ్ కవిత రాయాలని డిసైడ్ అవుతాడు. మరొకవైపు ఇప్పటికే కోపంగా ఉన్న అపర్ణ దగ్గరికి వెళ్లి.. ఇంకాస్త కావ్యపై కోపం కలిగేలా చెయ్యాలని రుద్రాణి వెళ్తుంది. ఒక్కసారి రాజ్ అత్తారింటికి వెళ్లినందుకే అందరూ కలిసి రాజ్ ని తన వైపుకి తిప్పుకున్నారు. ఇక మళ్ళీ వెళ్ళాడు. కావ్య మాట రాజ్ వినడం స్టార్ట్ చేస్తే నీ పరిస్థితి ఏంటో అని రుద్రాణి అనగానే.. నా కొడుకు అలాంటి వాడేం కాదని అపర్ణ చెప్పి వెళ్ళిపోతుంది.

మరొక వైపు కావ్య ఇచ్చిన ఉప్మా తినలేక రాజ్ ఇబ్బంది పడుతుంటాడు. నువ్వు తినట్లేదు ఏంటో అని రాజ్ అనగానే.. ఛీ నేను తిననని కావ్య అనగానే.. అంటే నేనే బకరానా? నువ్వు కూడా తినాలంటూ బలవంతంగా కావ్యకి తినిపిస్తుంటే.. ఇక దూరం నుండి చూస్తున్న కనకం, కృష్ణమూర్తి ఇద్దరు చూసి.. ప్రేమగా తినిపిస్తున్నాడేమో అని పోరపాటు పడుతారు. ఆ తర్వాత శ్రీనివాస్ వచ్చి కాంట్రాక్ట్ మళ్ళీ ఇస్తున్నట్లు చెప్తాడు. మీరు అగ్రిమెంట్ రాసి ఇస్తేనే ఈ కాంట్రాక్టు తీసుకుంటానని కావ్య బెట్టు చేస్తుంది. చేసేదేమీ లేక శ్రీనివాస్ అగ్రిమెంట్ రాసి ఇస్తాడు.. ఆ తర్వాత అగ్రిమెంట్ మీద రాజ్ సాక్షి సంతకం పెడతాడు. కాసేపటికి రాజ్ ఉప్మా తినలేక బయటకు వెళ్తుంటే.. కావ్య వెనకాల వెళ్తుంది. రాజ్ మట్టిలో అడుగేస్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.