బిగ్ బాస్ హౌస్ నుండి ఎలిమినేట్ అయిన ఫైమా, బిబి కేఫ్ లో ఇంటర్వ్యూ ఇచ్చింది. అందులో కొన్ని ఆశ్చర్యకరమైన విషయాలు పంచుకుంది. అయితే యాంకర్ శివ మామూలుగానే సూటిగా ప్రశ్నలు కురిపిస్తాడు. "హౌస్ నుండి ఎందుకు బయటకొచ్చావో తెలుసా నీకు? ఇంత వెటకారం ఎందుకు ఫైమాకి అని జనాలు అనుకుంటున్నారనే విషయం తెలుసా?" అని శివ ప్రశ్నించగా, "నేను ఇలా ఉంటానని ఏం ఫిక్స్ అయి రాలేదు. నేను నాలాగనే ఉందామనుకున్నాను.‌ ఒకరు చెపితే మారడానికి నేను సిద్ధంగా లేను. ఎందుకంటే అది ఒపీనియన్ కాదు. నా అంతట నేను మారకపోవడం అనేది అంత పెద్ద క్రైమ్ ఏం కాదు" అని ఫైమా చెప్పింది.

"వెటకారం అనే టాపిక్ వచ్చింది కాబట్టి చెప్తున్నాను. ఒకసారి సుదీప గారితో మట్లాడిన.. అది తప్పని నేనే ఆక్సెప్ట్ చేసిన. నెక్స్ట్ ఆరోహీతో మాట్లాడేటప్పుడు వెటకారం అన్నారు. వాళ్ళిద్దరు కాకుండా వేరే ఏదైనా సిచ్యువేషన్ ఉంటే చెప్పండి. వాళ్ళు తప్పు చేసినా కూడా తప్పు చేయలేదని అంటున్నప్పుడు నేను అలా మాట్లాడాను" అని ఫైమా చెప్పగా, "డిఫెండ్ చేసుకోలేక.. మాటలాపేసి స్టార్ట్ చేస్తావా ఇక" అని యాంకర్ అనేసరికి నవ్వేసింది ఫైమా.

"ఇనయా నీ ఫ్రెండ్ కదా? మరి ఎందుకు వదిలేసావ్? అని శివ అడిగాడు. "తను నాతో బాగా మాట్లాడేది. ఒక టాస్క్ లో నేను తనకి 'చూడు ఇనయా.. నువ్వు గేమ్ బాగా ఆడుతున్నావు కానీ నీ మాటల వల్ల నువ్వు నెగెటివ్ అవుతున్నావ్ చూసుకో' అని చెప్పాను. 'నా ఫ్రెండ్ అయి ఉండి నాకు సపోర్ట్ చేయకుండా వేరే వాళ్ళకి సపోర్ట్ గా మాట్లాడుతావా?' అని ఇనయా అంది. అప్పటినుండి మా మధ్య దూరం పెరిగింది" అని ఫైమా చెప్పింది. ఆ తర్వాత "హౌస్ లో మిమ్మల్ని ఎప్పుడు ప్రోత్సహించేది ఎవరు?" అని అడిగాడు శివ. "ఆదిరెడ్డి ఎప్పుడు నన్ను ఎంకరేజ్ చేస్తూ ఉంటాడు" అని చెప్పింది. ఇలా తనకి హౌస్ లో ఎవరితో ఎంత రాపో ఉంది, హౌస్ మేట్స్ ఎలా ఉన్నారనే విషయాల గురించి మాట్లాడింది ఫైమా.