బిగ్ బాస్ సీజన్-7 లో ఆటలతో కంటెస్టెంట్స్ మధ్య దూరం పెరుగుతుంది. ఫన్ గేమ్ అంటు ఓ వైపు బిగ్ బాస్ చిచ్చుపెడుతుంటే.‌ కంటెస్టెంట్స్ గెలవాలన్న ధీమాతో ఒకరినొకరు తిట్టుకుంటు, వారి మధ్య దూరం పెంచుకుంటున్నారు.

ఈ వారం మొత్తం ఫన్ టాస్క్ లు అంటు ఓట్ అప్పీల్ కోసం కంటెస్టెంట్స్ చేత కొత్త కొత్త గేమ్ లని ఆడిస్తున్న విషయం తెలిసిందే. అయితే అమర్ దీప్, పల్లవి ప్రశాంత్ ల మధ్య గొడవ ఎంత వైరల్ అయిందో అందరికి తెలిసిందే. కాగా టాస్క్ మధ్యలో శివాజీ, ప్రశాంత్ మాట్లాడుకుంటున్నారు. " ఎందుకన్న నా మీద అమర్ అన్నకి అంత పగ" అని శివాజీకి ప్రశాంత్ చెప్పుకుంటూ బాధపడ్డాడు. అది పగ కాదురా భయం అంటూ శివాజీ కరెక్ట్‌గా చెప్పాడు. ఇక అమర్ అయితే ప్రశాంత్ గురించి శోభా, ప్రియాంకలకి తన వెర్షన్ చెప్పాడు. ఎదుటోడిని కన్ఫ్యూజ్ చేసి ఎలా టెంపర్‌మెంట్ లేపాలో వాడికి తెలిసినట్లుగా వేరే ఎవరికీ తెలీదంటూ అమర్ అన్నాడు.

అమర్ దీప్ కి నెగెటివిటి రావడానికి ప్రధాన కారణం ప్రియాంక, శోభాశెట్టికి సపోర్ట్ చేయాలని భావించి మిగిలిన హౌస్ మేట్స్ తో గొడవలకి దిగడం ఒకటైతే‌‌.‌ హౌస్ లోకి వచ్చిన నుండి కామన్ మ్యాన్ అని ప్రశాంత్ మీద ఒకరకమైన చిన్న చూపు అని అందరికి తెలిసిపోతుంది. ఇక ప్రతీసారీ టాస్క్ లలో పల్లవి ప్రశాంత్ ని టార్గెట్ చేసి అరేయ్, ఒరేయ్ అంటాను నా ఇష్టం, ఇప్పుడు నేను కెప్టెన్ అని గర్వంగా మాట్లాడుతున్నాడు. ఇదంతా చూసే ప్రేక్షకులకు అమర్ దీప్ పై చిరాకేస్తుంటుంది. మరోవైపు శోభాశెట్టి చేసే పిచ్చి చేష్టలకి యావర్ట ట్రిగ్గర్ అవుతూ తన అగ్రెసివ్ ని బయటపెట్టుకుంటున్నాడు. దీంతో సీరియల్ బ్యాచ్ కి స్పై బ్యాచ్ కి మధ్య చిన్న గొడవలైన సీరియస్ గా మారుతున్నాయనే చెప్పాలి.