ఆలీతో సరదాగా షో సెకండ్ పార్ట్ వచ్చేసింది. ఇక ఈ షోకి గెస్ట్ గా వచ్చిన అల్లు అరవింద్ కొన్ని ఫన్నీ ఇన్సిడెంట్స్ చెప్పారు. "ఒక రోజు అమ్మకి, నాన్నకి మధ్య డ్రింక్ విషయంలో పెద్ద గొడవ జరిగింది. అప్పటికి ఆ గొడవ ఎందుకయ్యిందో నాకు అర్ధం కాలేదు. కానీ నాన్న గారు అమ్మతో గొడవ పెట్టుకుని సీరియస్ గా ఇంట్లోంచి చెప్పులు వేసుకోకుండా వెళ్లిపోయారు. అమ్మ అది చూసి వెంటనే నన్ను పిలిచి నాన్నను తీసుకురమ్మని పంపింది. నేను కార్ వేసుకుని వీధి చివరికి వెళ్లాను. నాన్న గారిని కార్ లో ఎక్కమంటే బెట్టు చేస్తున్నారు. చివరికి ఏదో చెప్పి కార్ లో ఎక్కించాను. ఐతే అప్పటికే నాన్న ఇంట్లో గొడవ ఇలా వీధిలోకి వచ్చేసారు అనే కోపంలో ఉన్నా.

ఇక నాన్న గారు కార్ లోకి ఎక్కేసరికి ఆ కోపంలో బ్రేక్ మీద పొరపాటున కాలేసేసాను. అంతే ఆయన తల కార్ కి తగిలింది. అంతే ఇప్పుడు ఆయనకు కోపం వచ్చేసి ఎవర్రా నీకు కార్ డ్రైవింగ్ నేర్పించింది అంటూ లాగి పెట్టి ఒక్కటి పీకారు నన్ను. నాకు కార్ డ్రైవింగ్ ఆయనే నేర్పారు అన్న విషయం మర్చిపోయారు. దాంతో నేను షాకయ్యాను. చుట్టూ చూసాను ఎవరైనా చూశారేమో అని ...వెనక్కి చూసా మా ఇంటి బాల్కనీ నుంచి మా ఆవిడ ఎమన్నా చూసిందేమో అని..కానీ ఎవరూ చూడలేదు అనుకుని ఇంటికి వెళ్ళిపోయాను. నా రూమ్ లోకి వెళ్లేసరికి మా ఆవిడ అడిగింది ఎందుకు మీ నాన్నగారు మిమ్మల్ని కొట్టారు. మిమ్మల్ని అలా కొట్టడం చూసి భయమేసి లోపలి వచ్చేసాను అని చెప్పింది. దాంతో నాకు నవ్వాగలేదు. 45 ఏళ్ళ వయసులో నేను మా నాన్నతో అలా సన్మానం చేయించుకోవడం నాకు ఎప్పటికీ స్వీట్ మెమరీ" అని చెప్పారు.