English | Telugu
విక్రమ్ సినిమాలో ఇవి ఉండాల్సిందే..!!
Updated : Dec 4, 2017
సినీ పరిశ్రమలో సెంటిమెంట్లకు చాలా ఇంపార్టెన్స్ ఇస్తారు. అక్షరాలు, నంబర్లు, షూటింగ్ స్పాట్లు, హీరో, హీరోయిన్లు, ఆర్టిస్టులు చివరకు పెంపుడు జంతువులు.. ఇలా ప్రతిదానికి విలువెక్కువే. చేసినవి తక్కువ సినిమాలే అయినా పరిశ్రమలో తనకంటూ ఓ ప్రత్యేక గుర్తింపు తెచ్చుకున్నారు విక్రమ్ కే.కుమార్. పైకి చాలా క్లాస్గా కనిపించే ఈయనకి సెంటిమెంట్ల మీద గురి ఎక్కువే. తన సినిమాలలో ఏదో ఒక వస్తువుని హైలెట్ చేయడం విక్రమ్కి అలవాటు.
తొలి సినిమా "13"లో టీవీ హైలెట్గా నిలిచిపోయింది. జరిగినది, జరగబోయేది ముందుగా చూపిస్తూ ఆడియన్స్ని టెన్షన్ పెట్టింది ఆ టీవీ. ఆ తర్వాత అక్కినేని మూడు తరాల క్లాసిక్ "మనం"లో క్లాక్ టవర్ను వాడాడు. ఇక తమిళ స్టార్ హీరో సూర్యతో తీసిన "24"లో మెయిన్ ఎలిమెంట్ వాచ్. ఆ వాచ్ చుట్టూనే సినిమా మొత్తం తిరుగుతుంది. రీసెంట్గా అక్కినేని అఖిల్తో తీస్తున్న "హలో" మూవీలోనూ ఒక మొబైల్ చుట్టూ స్క్రీన్ప్లే తిప్పనున్నాడు విక్రమ్ కుమార్. ట్రైలర్ చూస్తే ఆ విషయం స్పష్టంగా అర్థమవుతుంది. మరి మొబైల్ ఫోన్తో విక్రమ్ ఏం మ్యాజిక్ చేశాడో తెలియాలంటే కొద్ది రోజులు వెయిట్ చేయాల్సిందే.