English | Telugu
నేను చేసింది లీగల్.. విజయ్ దేవరకొండ సంచలన వ్యాఖ్యలు!
Updated : Aug 6, 2025
బెట్టింగ్ యాప్స్ కి ప్రమోషన్స్ చేశారనే ఆరోపణలతో విజయ్ దేవరకొండ ఈడీ విచారణకు హాజరైన సంగతి తెలిసిందే. అయితే తాను బెట్టింగ్ యాప్స్ ని ప్రమోట్ చేయలేదని, రిజిస్టర్డ్ లీగల్ గేమింగ్ యాప్ ను ప్రమోట్ చేశానని ఇప్పటికే చెప్పిన విజయ్.. మరోసారి అదే విషయాన్ని స్పష్టం చేశారు. రిజిస్టర్డ్ లీగల్ గేమింగ్ యాప్స్ కు, బెట్టింగ్ యాప్స్ కు మధ్య తేడా ఉందని.. తాను ప్రమోషన్ చేసింది రిజిస్టర్డ్ లీగల్ గేమింగ్ యాప్ అని విజయ్ అన్నారు.
ఈ రోజు ఈడీ విచారణకు హాజరైన విజయ్.. అధికారులకు అడిగిన వివరాలు అందించారు. అనంతరం మీడియాతో మాట్లాడుతూ.. "రిజిస్టర్డ్ లీగల్ గేమింగ్ యాప్స్ వేరు, బెట్టింగ్ యాప్స్ వేరు. దీని మధ్య తేడా ఏంటనేది మన మీడియా మిత్రులు ప్రచారం చేయాలి. ఏ23, మై 11 సర్కిల్, డ్రీమ్ 11 వంటి రిజిస్టర్డ్ లీగల్ గేమింగ్ యాప్స్ ఇండియన్ క్రికెట్ టీమ్, ఒలంపిక్స్, ఐపీఎల్, డబ్ల్యూపీఎల్ లకు స్పాన్సర్స్ చేస్తుంటాయి. నేను ప్రచారం చేసింది ఏ23 గేమింగ్ యాప్ కు. ఇది పూర్తిగా రిజిస్టర్డ్ లీగల్ గేమింగ్ యాప్. ఈడీ అధికారులు అడిగిన కాంట్రాక్ట్, బ్యాంక్ డీటెయిల్స్, ట్రాన్సాక్షన్ డీటెయిల్స్ అందించాను. నేను ఇచ్చిన వివరాలతో ఈడీ అధికారులు సంతృప్తి చెందారు. దేశంలో ఏది కరెక్ట్ ఏది కాదు అని నిర్ణయించేందుకు న్యాయస్థానాలు, ప్రభుత్వాలు ఉన్నాయి. వారు నిర్ణయిస్తారు." అన్నారు.