చెన్నై ముద్దుగుమ్మ త్రిష ఇప్పుడు చాలా సెలక్టివ్ గా మారిపోయింది. వరుణ్ మనియన్ తో పెళ్లి నిశ్చితార్ధమవగానే, తన సినిమాలన్నింటినీ వేగంగా పూర్తి చేసుకుని, కొత్త సినిమాలను కూడా తగ్గించుకుంది. కానీ, వారిద్దరి బంధానికి ఫుల్ స్టాప్ పడటంతో, తిరిగి కెరీర్ మీద దృష్టి పెట్టిందీ తమిళ భామ. ఒకప్పటిలా కాకపోయినా, త్రిషకు ఇప్పుడు కూడా బాగానే ఆఫర్లు వస్తున్నాయి. కానీ విచిత్రంగా ఇప్పటి వరకూ తను యాక్ట్ చేయని హార్రర్, హార్రర్ కామెడీ జానర్లను వరసగా ఎంచుకుంటోంది.

ఈ మధ్య ఇవి ఆడుతున్నాయి కదా అని ధైర్యమో లేక యాక్టింగ్ కు స్కోప్ ఉంటుందని నమ్మకమో గానీ, దెయ్యాల సినిమాపై ప్రేమను తెగ పెంచేసుకుంది.తాజాగా రిలీజై ఫర్లేదనిపించుకున్న హర్రర్ మూవీ 'కళావతి' తర్వాత, 'నాయకి' అనే మరో హర్రర్ సినిమాకు సైన్ చేసింది. ఇది హర్రర్ లోనే కామెడీ జానర్ లో ఉండబోతోందట. ఈ మూవీ తర్వాత,తన కెరీర్ తిరిగి ఊపందుకుంటుందన్న ఆశతో ఉందీ చెన్నై చిన్నది. ఈ సినిమాలో త్రిష రెండు పాత్రల్లో కనిపించనుండటం విశేషం.