ఆ మధ్య ఫెడరేషన్ సమ్మెకు దిగినప్పుడు తెలుగు సినీ పరిశ్రమ స్తంభించి పోయిన విషయం పాఠకులకు గుర్తుండే ఉంటుంది. అప్పుడు తెలుగు సినీ పరిశ్రమలోని 24 క్రాఫ్టులు తమ తమ వేతనాలను సవరించాలని కోరాయి.వారు పెంచమన్న విధంగా జీతాలు పెంచితే ఒక్కో సినిమాకు నిర్మాత మీద 50 లక్షల రూపాయల నుండి కోటి రూపాయల వరకూ భారం పడనుంది. ఈ భారాన్ని తట్టుకోవటం తమ వల్ల కాదంటూ, తమపై ఈ అనవసర భారం ఎందుకనీ, సుమారు 800 మంది నిర్మాతలు తమ సినిమాలకు బయటనుండి వర్కర్లను అద్దెకు తీసుకోవాలని నిర్ణయించారు. ఫెడరేషన్ పెంచమని అడిగిన జీతాలు ఈ విధంగా ఉన్నాయి.

క్యాటగిరీ - రోజుకి గతంలో జీతం - ఇప్పుడు అడుగుతున్న జీతం

లైట్ మేన్ - రూ. 375/ --- రూ. 1000/

డ్రైవర్ - రూ. 375/ --- రూ. 1000/

స్పాట్ బోయ్ -రూ.275 ---- రూ.900/

జూనియర్ ఆర్టిస్ట్- రూ.300/ ---- రూ.900/

వాక్యూమ్ ఆపరేటర్-రూ.375/ ---- రూ.1,000/

ఎ గ్రేడ్ డ్యాన్సర్స్ - రూ.10,000/ ---- రూ.20,000/

అసిస్టెట్స్-- డబ్బింగ్,ఎడిటింగ్,రికార్డింగ్ -రూ.250/ ---- రూ.750/

సౌండ్ ఇంజనీర్లు - రూ.1,400/ ---- రూ.3,000/

పైన రాసిన జీతాలు దాదాపు మూడు రెట్లు పెరిగాయి. ఇలా పెరగటం వల్ల తమ సినిమా బడ్జెట్ కోటి రూపాయల వరకూ పెరుగుతుంది కనుక తాము ఈ పెరిగిన జీతాలను చెల్లించలేమనీ, అందుకని బయట నుండి వర్కర్లను తెచ్చుకుని సినిమాలు తీయటానికి నిశ్చయించుకున్నామనీ తెలుగు సినీ నిర్మాతలు అన్నారు. మరి దీనికి ఆంధ్రప్రదేశ్ ఫిలిం ఎంప్లాయీస్ ఫెడరేషన్ ఎలా స్పందిస్తుందో వేచి చూడాలి.