షాపింగ్ మాల్‌లో సంద‌డి చేయమంటే క‌థానాయిక‌ల‌కు ఎంతిష్ట‌మో..? అడ‌గ్గానే వాలిపోతుంటారు. డ‌బ్బులు బాగా గిట్టుబాటు అవుతాయి, దానికి తోడు ఫ్రీ ప‌బ్లిసిటీ. సినిమాల్లేక‌పోయినా.. నెల‌కు ఇలాంటి బేరాలు నాలుగైదు త‌గిలితే చాలు అనుకొంటారు. అయితే... అలాంటి చోట అల్ల‌రి మూక‌ల్ని అదుపులో పెట్ట‌డం మాత్రం.. ఎవ్వ‌రి వ‌ల్లా కావ‌డం లేదు. ప‌బ్లిక్ ఫంక్ష‌న్ల‌లో కొంత‌మంది ఆక‌తాయిలు క‌థానాయిక‌ల్ని నానా హైరానాకు గురిచేస్తున్నారు. ఎందుకొచ్చాంరా బాబూ.. అంటూ హీరోయిన్లు ఫీల్ కావాల్సి వ‌స్తోంది. తాజాగా తాప్సీకి ఇలాంటి చేదు అనుభ‌వం ఒక‌టి ఎదురైంది. చెన్నై లోని ఓ షాపింగ్ మాల్ ప్రారంభ‌వోత్స‌వానికి హాజ‌రైంది తాప్సీ. గంట‌న్న‌ర పాటు అక్క‌డ సంద‌డి చేయడానికి రూ.5 ల‌క్ష‌ల వ‌ర‌కూ ఆఫ‌ర్ ఇచ్చారు. డ‌బ్బులిస్తున్నారు క‌దా అని... తాప్సి సంతోషంగా వెళ్లింది. తీరా అక్క‌డ‌కు వెళ్లేస‌రికి... అబిమానులు గుమ్మిగూడిపోయారు. వాళ్లని ఆప‌డం సిబ్బందివ‌ల్ల కాలేదు.

తాప్సీ చుట్టూ కొంత‌మంది ఆత‌కాయి అబిమానులు చేరిపోయారు. అందులో ఒక‌డు ఆమె చీరను గట్టిగా లాగాడు, దాంతో తాప్సి షాక్ కి గురైంది. తేరుకొనే లోగా.. చుట్టూ ఉన్న‌వాళ్ల మ‌ధ్య న‌లిగిపోయింది. బాక్స‌ర్లు వ‌చ్చి.. తాప్సిని సుర‌క్షితంగా బ‌య‌ట‌కు తీసుకొచ్చేంత వ‌ర‌ర‌కూ తాప్సికి ఊపిరి ఆడ‌లేదు. బ‌య‌ట‌కొచ్చిన తాప్సి... అక్క‌డి సిబ్బందితో గొడ‌వ ప‌డి మ‌రీ.. విసురుగా వ‌చ్చేసింది. ఈ విష‌య‌మై... షాపింగ్ మాల్ యాజ‌మాన్యం తాప్పికి క్ష‌మాప‌ణ‌లు కూడా చెప్పింది. ఇలా... జ‌నం మ‌ధ్య‌కు వెళ్లిన‌ప్పుడు క‌థానాయిక‌లు ఒక‌టికి ప‌దిసార్లు ఆలోచించుకోవాల్సిందే.