చిరంజీవి రెండో కుమార్తె శ్రీజ వివాహం చిత్తూరుకి చెందిన ఒక ప్రముఖ వ్యాపారవేత్త కిషన్‌గారి కుమారుడితో దాదాపుగా నిశ్చయం అయిన విషయం తెలిసిందే! వరుడు కళ్యాణ్‌, ఒకప్పుడు శ్రీజ క్లాస్‌మేటే అని తెలుస్తోంది. చిరంజీవి, కిషన్‌ ఇద్దరి కుటుంబాల మధ్యా ఎప్పటి నుంచో పరిచయాలు ఉన్నాయనీ, ఈ పరిచయాలే ప్రస్తుత పరిణయానికి దారి తీశాయనీ అంటున్నారు. తన జీవితం గురించి అవగాహన ఉన్న వ్యక్తి కాబట్టి కళ్యాణ్‌ని చేసుకునేందుకు శ్రీజ సుముఖత వ్యక్తి చేశారట. శిరీష్‌ భరద్వాజ్‌ అనే వ్యక్తితో శ్రీజ చేసుకున్న మొదటి వివాహం బెడిసికొట్టిన సంగతి తెలిసిందే! ఛేజింగ్‌లు, డైలాగుల మధ్య ఎంతో ఆర్భాటంగా ఆ పెళ్లి జరిగిన కొద్ది రోజులకే, అత్తవారింట తనకి బాధలు పెడుతున్నారంటూ శ్రీజ, పుట్టింటికి చేరుకుంది. శ్రీజకి మళ్లీ ఒక కొత్త జీవితాన్ని అందించే క్రమంలో, కళ్యాణ్‌ ఆమెకు తగినవాడు అని చిరంజీవికి నమ్మకం కుదరడంతో ఈ పెళ్లి నిశ్చయమైంది.