English | Telugu
బిగ్గెస్ట్ డిజాస్టర్ దిశగా 'శాకుంతలం'!
Updated : Apr 17, 2023
భారీ బడ్జెట్ తో రూపొందే పాన్ ఇండియా సినిమాలు టాక్ తో సంబంధం లేకుండా ఫస్ట్ వీకెండ్ మంచి వసూళ్లు రాబడతాయి. అయితే సమంత టైటిల్ రోల్ పోషించిన 'శాకుంతలం' మాత్రం బాక్సాఫీస్ దగ్గర ఏమాత్రం ప్రభావం చూపలేకపోయింది. రూ.60 కోట్లకు పైగా బడ్జెట్ తో ఈ చిత్రం రూపొందింది. ఒక ఫీమేల్ ఓరియెంటెడ్ ఫిల్మ్ కి ఈ స్థాయి బడ్జెట్ అనేది రిస్క్ తో కూడుకున్నదే. కానీ సబ్జెక్టు మీద నమ్మకంతో అంత బడ్జెట్ పెట్టారు. తీరా సినిమా విడుదలయ్యాక చూస్తే వారి నమ్మకం నిజం కాలేదు.
'శాకుంతలం' ఓవరాల్ థియేట్రికల్ బిజినెస్ వాల్యూ రూ.20 కోట్లని అంచనా. కానీ ఫుల్ రన్ లో ఈ సినిమా అందులో 20 శాతం కూడా రికవర్ చేయడం కష్టమే అనిపిస్తోంది. ఈ నెల 14న విడుదలైన ఈ చిత్రం మొదటి రోజు వరల్డ్ వైడ్ గా రూ.2.24 కోట్ల షేర్ రాబట్టిందని అంచనా. మొదటి షో నుంచే నెగటివ్ టాక్ తెచ్చుకోవడంతో రెండో రోజుకే కలెక్షన్స్ దారుణంగా పడిపోయాయి. రెండో రోజు రూ.71 లక్షల షేర్ రాబట్టగా, మూడో రోజు రూ.65 లక్షల షేర్ రాబట్టింది. దీంతో మొదటి వీకెండ్ ముగిసే సరికి వరల్డ్ వైడ్ గా రూ.3.60 కోట్ల కలెక్ట్ చేసింది. వీక్ డేస్ లో కలెక్షన్స్ మరింతగా డ్రాప్ అవుతాయి. పైగా చాలా చోట్ల రెండు వారాల క్రితం విడుదలైన దసరా, అలాగే డబ్బింగ్ సినిమాలు రుద్రుడు, విడుదల కలెక్షన్స్ బెటర్ గా ఉన్నాయి. ఈ లెక్కన శాకుంతలం ఫుల్ రన్ లో రూ.5 కోట్ల షేర్ మార్క్ నైనా అందుకుంటుందా అనే అనుమానాలు వ్యక్తమవుతున్నాయి.