బన్నీ బోయపాటి క్రేజీ కాంబినేషన్లో, భారీ అంచనాల మధ్య ఈరోజే రిలీజైంది సరైనోడు మూవీ. ఇప్పటికే రెండు మెగా సినిమాలు దెబ్బ తినడంతో, మెగాఫ్యాన్స్ ఆశలన్నీ సరైనోడి మీదే ఉన్నాయి. ప్రస్తుతానికి మూవీ ఫస్ట్ హాఫ్ థియేటర్ రిపోర్ట్ వచ్చేసింది. ఫస్ట్ హాఫ్ కు ఫుల్ పాజిటివ్ రెస్పాన్స్ రావడం విశేషం. ముఖ్యంగా అల్లు అర్జున్ ను బోయపాటి తెరమీద ఆవిష్కరించిన తీరు అద్భుతమంటున్నారు. ఫైటింగ్ సీక్వెన్సెస్ సినిమా మొత్తానికి హైలెట్ గా నిలుస్తాయట. ముందే అనుకున్నట్టుగా క్యాథరీన్ ట్రెసా ఎమ్మెల్యేగా చేసింది. శ్రీకాంత్ బన్నీకి మావయ్యగా చేశాడు. సినిమాకు మరో హైలెట్ విలన్ పాత్ర. తమిళంలో ఇప్పటికే హీరోగా సక్సెస్ అయిన ఆది పినిశెట్టి, సరైనోడులో స్టైలిష్ విలన్ గా అదరగొట్టేశాడు. ఎలాంటి బ్యాడ్ హ్యాబిట్స్ లేని కామ్ అండ్ కూల్ విలన్ గా, బన్నీ పాత్రకంటే ఒక అడుగు ముందే ఈ పాత్ర ఉంటుంది.

ఫస్టాఫ్ లో వచ్చే సాంగ్స్ డ్యాన్సుల్లో ఎమ్మెల్యే సాంగ్ కు కొరియోగ్రఫీ ఎక్సలెంట్ గా ఉంది. తమన్ బ్యాగ్రౌండ్ మ్యూజిక్ చాలా బాగా ఇచ్చాడు. అతిలోక సుందరి, యు ఆర్ మై ఎమ్మెల్యే, ప్రైవేట్ పార్టీ సాంగ్స్ మూడూ ఫస్టాఫ్ లో వస్తాయి. ప్రైవేట్ పార్టీ సాంగ్ లో క్యాథరీన్ అందాలతో ఆకట్టుకుంటుంది. ఇక ఇంటర్వెల్ బ్యాంగ్ మాత్రం భారీ ఫైట్ తో డిజైన్ చేశాడు బోయపాటి. బన్నీ తన కెరీర్లోనే బెస్ట్ పెర్ఫామెన్స్ ను ఈ ఇంటర్వెల్ బ్యాంగ్ లో ఇచ్చాడంటున్నారు. ఫస్టాఫ్ లో కామెడీ పెద్ద కనిపించదు కానీ బన్నీ పెర్ఫామెన్స్, క్యాథరీన్ అందాలు, ఫైట్స్ ఆడియన్స్ ను సినిమాలో ఇన్వాల్వ్ చేసేస్తాయి. ఇక్కడి వరకూ ఫస్టాఫ్ రిపోర్ట్ అండ్ రివ్యూ. మూవీ కంప్లీట్ రివ్యూ కాసేపట్లో...