English | Telugu
ఓవర్సీస్ లో సరైనోడి హాఫ్ మిలియన్ మార్క్..!
Updated : Apr 24, 2016
భారీ అంచనాలతో విడుదలైన అల్లు అర్జున్ సరైనోడి టాక్ యావరేజ్ గా ఉన్నా, కలెక్షన్లు మాత్రం స్పీడ్ గానే ఉన్నాయి. మొదటి రోజే యుఎస్ టాప్ 15 లిస్ట్ లోకి చేరిపోయిన సరైనోడు కలెక్షన్లు, తాజాగా హాఫ్ మిలియన్ మార్క్ ను దాటేశాయి. 515వేల డాలర్లు కలెక్ట్ చేసి, ఈ మార్క్ ను దాటి ముందుకు దూసుకెళ్తోంది సరైనోడు మూవీ. టాక్ మిక్స్ డ్ గా ఉన్నా, కలెక్షన్స్ బాగుండటం పట్ల మూవీ యూనిట్ ఖుషీ అవుతున్నారు. మాస్ డైరెక్టర్ గా పేరొందిన బోయపాటి శ్రీను డైరెక్షన్లో ఊరమాస్ అంటూ బన్నీ చేసిన యాక్టింగ్ బి సీ సెంటర్లను ఆకట్టుకుంటోంది. కానీ ముందుగా అనుకున్నట్టుగానే, లాజిక్ లేకపోతే సినిమాను రిజెక్ట్ చేసే మల్టీప్లెక్స్ ప్రేక్షకులకు సరైనోడు లెక్క అర్ధం కావట్లేదు. విలన్ గా ఆది, బ్యాగ్రౌండ్ మ్యూజిక్ లో తమన్, సినిమాను తన మీద వేసుకుని నడిపించిన బన్నీకి మంచి మార్కులు పడుతున్నాయి. వచ్చేవారం వారానికి సరైనోడి కలెక్షన్ రిపోర్ట్ ఎలా ఉంటుందన్నది ఆసక్తికరం.