English | Telugu
సూపర్ స్టార్ విలన్ గా చేస్తున్నాడు..!
Updated : Apr 20, 2016
బాలీవుడ్ సూపర్ స్టార్ సల్మాన్ కు అక్కడ ఉన్న మాస్ ఫాలోయింగ్ మామూలుగా ఉండదు. అందుకే ఈ భాయ్ నటించిన ఫ్లాప్ సినిమా కూడా ఈజీగా రికార్డ్స్ బ్రేక్ చేసేస్తుంటుంది. కానీ ఎన్ని హిట్టు సినిమాలు చేస్తున్నా, ప్రతీ హీరోకు విలన్ గా చేయాలనే కోరిక కూడా ఉంటుంది. ఇదే ఆశ సల్లూభాయ్ కు కూడా ఉందట. ఇప్పటికే ఆయనకు మిత్ర శత్రువు షారుఖ్ కూడా తన ఫ్యాన్ సినిమాలో నెగటివ్ రోల్ చేసేసి మెప్పించేశాడు. అందుకే ఈసారి ఎలాగైనా విలన్ గా కనిపించి తీరాల్సిందేనని పట్టుబట్టి, రెండు సినిమాల్లో విలన్ గా కనిపించడానికి సై అనేశాడట. రేస్ 3, ధూమ్ 4 సినిమాల్లో విలన్ పాత్రల్లో సల్మాన్ కనబడే అవకాశం ఉందంటోంది బాలీవుడ్. రేస్ 3 కు సంబంధించి రోల్ ఫిక్స్ అయిపోయిందని, ధూమ్ కోసం చర్చలు జరుగుతున్నాయని అక్కడి జనాలంటున్నారు. అంటే అభిమానులు సల్లూ భాయ్ ని విలన్ రోల్ లో చూసే రోజు మరెంతో దూరంలో లేదన్నమాట. మరి నెగటివ్ రోల్ లో సల్లూ భాయ్ ఎంతవరకూ అలరిస్తాడో చూడాలి.