English | Telugu
అలనాటి నటి కేఆర్ విజయ కూతురికి వేధింపులు..!
Updated : Apr 20, 2016
రాముడి పాత్ర అంటే ఎన్టీఆర్ ఎలా గుర్తొచ్చేవారో, అమ్మవారి పాత్ర అంటే కేఆర్ విజయ అలాగే గుర్తొస్తారు. వయస్సు పైబడటంతో, గత కొంతకాలంగా కేఆర్ విజయ చిత్ర పరిశ్రమకు దూరంగా ఉంటున్నారు. రీసెంట్ గా ఆమె కూతురికి ఆకతాయి నుంచి వేధింపులు ఎదురయ్యాయి. విషయంలోకి వెళ్తే, కేఆర్ విజయ కూతురు హేమలత భర్తతో భేదాభిప్రాయాలు రావడంతో, కూతుళ్లతో కలిసి ఒంటరిగా జీవిస్తున్నారు. కొంత కాలం క్రితం కూతుళ్లు కూడా స్టడీస్ కోసం ఫారిన్ వెళ్లడంతో, గత కొంత కాలంగా హేమలత ఒంటరిగానే ఉంటున్నారు. దీన్ని అదునుగా తీసుకుని హేమలత ఫోన్ నెంబర్ సంపాదించి, ఆమెకు మెసేజ్ లు పెడుతూ ఇబ్బంది పెడుతున్నాడు చెన్నైకి చెందిన ఒక రియల్ ఎస్టేట్ వ్యాపారి. తనను పెళ్లి చేసుకుంటానంటే వేధించడమే కాక, అసభ్యకరమైన మెసేజ్ లను కూడా పంపుతున్నాడంటూ కోయంబత్తూర్ పోలీస్ స్టేషన్లో హేమలత ఫిర్యాదు చేశారు. పోలీసులు కేసు నమోదు చేసుకుని విచారణ చేపట్టారు.