English | Telugu
వర్మకు మరో శ్రీదేవి దొరికేసినట్టుంది...!
Updated : May 6, 2016
రామ్ గోపాల్ వర్మకు శ్రీదేవి అంటే పిచ్చి. ఒక ఇంటర్వ్యూలో నన్ను ఎవరైనా ఒకర్ని చంపమని ఛాన్స్ ఇస్తే, శ్రీదేవిని పెళ్లి చేసుకున్నందుకు బోనీ కపూర్ ను చంపుతాను అంటూ స్టేట్ మెంట్ కూడా ఇచ్చాడు. ఆమె తప్ప అతని కంటికి ఇంకెవరూ పెద్ద నచ్చరట. అలాంటి వర్మ లేటెస్ట్ గా రాధికా ఆప్టే అందానికి ఫిదా అయిపోయాడు. తన మూడు జన్మల్లో ఇంత అందాన్ని చూడలేదంటూ ఆమె ఫోటోను ట్వీట్ చేసి ఆనందపడిపోతున్నాడు వర్మాజీ. రాధికా ఆప్టే వర్మ తీసిన రక్త చరిత్రలో నటించింది. లెజండ్ సినిమాతో తెలుగుప్రేక్షకులకు సుపరిచితురాలైన రాధిక, ప్రకాష్ రాజ్ తీసిన ధోనీ సినిమాలో, రజనీ కబాలీ లో కూడా మెరిసింది. కాగా ట్రెడిషనల్ గానే కాక, ఏ పాత్ర ఇచ్చినా ఒదిగిపోతుందనే పేరు తో పాటు, అందాల ఆరబోతకు కూడా తాను సిద్ధమేనని తన ఫోటోషూట్ ల ద్వారా సిగ్నల్స్ ఇస్తోందీ భామ. భాషతో సంబంధం లేకుండా వైవిధ్యమైన సినిమాలు ఎంచుకుంటూ దూసుకుపోతున్న ఈ భామ, రానున్న రెండు మూడేళ్లలో బాలీవుడ్ లో ట్రెండ్ క్రియేట్ చేస్తుందని విశ్లేషకులు అంచనా వేస్తున్నారు. మరోవైపు, తన అతిలోకసుందరి శ్రీదేవిని తప్ప మరొకరిని పొగడని వర్మ, తాను మూడు జన్మల్లో చూడనంత అందగత్తె అని రాధికా ఆప్టేకు కాంప్లిమెంట్స్ ఇస్తూ ఆకాశానికెత్తేస్తున్నాడు. వర్మ గారి కన్ను ఈ భామపై పడిందేటబ్బా అంటూ బాలీవుడ్ జనాలు కిసుక్కుమంటున్నారు.