English | Telugu
‘రాజా సాబ్’ సాంగ్ వీడియో లీక్.. అదరగొడుతున్న ప్రభాస్ మాస్ లుక్!
Updated : Oct 10, 2025
ప్రభాస్ లాస్ట్ మూవీ ‘కల్కి 2898ఎడి’ చిత్రం విడుదలై ఏడాదిన్నర కావస్తోంది. అప్పటి నుంచి మారుతి డైరెక్షన్లో చేస్తున్న ‘రాజా సాబ్’ షూటింగ్లో బిజీగా ఉన్నారు ప్రభాస్. ఇటీవల విడుదలైన ఈ సినిమా ట్రైలర్ సినిమాకి భారీ హైప్ని తీసుకొచ్చింది. జనవరి 9న ఈ సినిమా రిలీజ్ కానుంది. సినిమా రిలీజ్ ముందు మరో ట్రైలర్ను రిలీజ్ చేస్తారని తెలుస్తోంది. ట్రైలర్ చూసిన తర్వాత ఇది హారర్ థ్రిల్లర్ అని అర్థమవుతోంది. మొదట ఈ సినిమాను డిసెంబర్ 5న రిలీజ్ చేస్తామని ప్రకటించారు. కానీ, సినిమాకి సంబంధించిన వర్క్ ఇంకా బ్యాలెన్స్ ఉండడంతో జనవరి 9కి వాయిదా వేశారు. ఈ విషయంలో ప్రభాస్ ఫ్యాన్స్ నిరాశ పడినప్పటికీ.. సంక్రాంతి బరిలోకి తమ హీరో సినిమా రావడం వారికి సంతోషాన్ని కలిగిస్తోంది.
ప్రస్తుతం ఈ సినిమాకి సంబంధించిన ఒక సాంగ్ షూట్ జరుగుతోంది. ఈ సాంగ్ మేకింగ్కి సంబంధించిన వీడియో లీక్ అయింది. రెడ్ షర్ట్ వేసుకొని తలపాగా చుట్టుకున్న ప్రభాస్.. డాన్స్ మూమెంట్స్ను ప్రాక్టీస్ చేస్తూ కనిపించారు. పూర్తి మాస్ లుక్లో ఉన్న ప్రభాస్ని చూసి ఫ్యాన్స్ ఎంతో హ్యాపీగా ఫీల్ అవుతున్నారు. ఇటీవలికాలంలో ప్రభాస్ ఈ తరహా లుక్లో కనిపించడం, స్టెప్స్ వేయడం జరగలేదు. ఈ సినిమాలోని పాటతో ప్రేక్షకులకు, అభిమానులకు తన స్టెప్స్తో కనువిందు చేయబోతున్నారు ప్రభాస్. లీక్ అయిన ఈ సాంగ్ మేకింగ్ వీడియో సోషల్ మీడియాలో వైరల్గా మారింది.