English | Telugu
రామ్ తో జిల్ మనిపిస్తుందా?
Updated : May 8, 2015
ఫస్ట్ మూవీలో ఎంచక్కా పద్ధతిగా కనిపించింది. రెండో సినిమాకి కాస్త డోసుపెంచింది. ముద్దుల్లోనూ ఇరగదీసింది. అంతే టాలీవుడ్ దర్శకనిర్మాతలు పిచ్చెక్కిపోయారు. క్యూ కట్టేశారు. అప్పటికే బుక్ చేసుకున్న హీరోయిన్లను సైతం పక్కన పెట్టి జిల్ మనిపిస్తున్న రాశిఖన్నాకు వెల్ కమ్ చెబుతున్నారు. అమ్మడికి మరీ అంత సీనుందా అంటే చిన్నదాని జోరు చూస్తుంటే ఒప్పుకోవాలి మరి. ఎందుకంటే రవితేజ హీరోగా తెరకెక్కుతోన్న బెంగాల్ టైగర్ మూవీలో సెకండ్ హీరోయిన్ గా నటిస్తున్న ఈ ఢిల్లీ బ్యూటీ....లేటెస్ట్ గా హీరో రామ్ తో రొమన్స్ చేసే ఛాన్స్ దక్కించుకుందట. మొదట నేహా శర్మ చెల్లెలు ఐషా శర్మను హీరోయిన్ గా తీసుకున్నారట. ఇప్పటికే కష్టాల్లో ఉన్న రామ్ తో కొత్త హీరోయిన్ ని పరిచయం చేయడం ఎందుకులే అనుకుని జిల్ మనిపించే రాశిని ఫైనల్ చేశారట. ఎందుకంటే రామ్ హీరోయిజమ్ ఫెయిలైనా...రాశిఖన్నా గ్లామర్ ఆకట్టుకుంటుందని వారి నమ్మకం. మరి వారి అంచనాలు ఏ మేరకు ప్లస్ అవుతాయో చూద్దాం.