English | Telugu
పవన్ "పంజా" విసురుతాడా...?
Updated : Dec 5, 2011
పవర్ స్టార్ పవన్ కళ్యాణ్ హీరోగా సారా జేన్ దియాస్, హీరోయిన్ గా, ప్రముఖ తమిళ దర్శకులు విష్ణువర్థన్ దర్శకత్వంలో, నీలిమ తిరుమల శెట్టి, శోభు యార్లగడ్డ సంయుక్తంగా నిర్మిస్తున్న విభిన్నకథా చిత్రం "పంజా". ఈ "పంజా" చిత్రం ఇటీవల సెన్సారు కార్యక్రమాలను పూర్తిచేసుకుంది. "పంజా" చిత్రానికి సెన్సారు వారు "యు/ఎ" సర్టిఫికేట్ నివ్వటం విశేషం.
గతంలో వచ్చిన పవన్ చిత్రాలు "కొమరంపులి, తీన్ మార్" ఆశించిన స్థాయిలో విజయం సాధించలేదు. పవన్ అభిమానులకు ఈ "పంజా" చిత్రం నవరసభరితంగా ఉండి విశేషంగా అలరించగలదని ఈ చిత్రం యూనిట్ అంటోంది. యువన్ శంకర్ రాజా సంగీతం అందించిన ఈ "పంజా" చిత్రం ఆడియో ప్రేక్షకులను విశేషంగా ఆకట్టుకుంటుంది. "పంజా" చిత్రం డిసెంబర్ 9 వ తేదీన విడుదల కాబోతూంది.