2010 లో 'ఏమాయ చేసావే' సినిమాతో హీరోయిన్ గా వెండితెరకు పరిచయమైన సమంత.. ఇన్నేళ్ల కెరీర్ లో ఒక్క స్పెషల్ సాంగ్ కూడా చేయలేదు. మొదటిసారిగా ఐకాన్ స్టార్ అల్లు అర్జున్, డైరెక్టర్ సుకుమార్ కాంబినేషన్ లో వస్తున్న పాన్ ఇండియా మూవీ 'పుష్ప'తోనే స్పెషల్ సాంగ్ చేయడానికి రెడీ అయింది సమంత. దీంతో ఈ సాంగ్ పై ప్రేక్షకులలో ఆసక్తి నెలకొంది. తాజాగా ఈ సాంగ్ లిరికల్ వీడియో విడుదలైంది.

Also Read:బాలీవుడ్ లో సమంత హవా మొదలైంది.. 'రాజీ'కి ఫిల్మ్ ఫేర్ అవార్డ్!

మొదటి సినిమా 'ఆర్య' నుంచి సుకుమార్ దర్శకత్వం వహించే అన్ని సినిమాలకు దేవిశ్రీ ప్రసాదే సంగీతం అందిస్తున్నాడు. వీరి కాంబినేషన్ లో అన్ని సినిమాలు చార్ట్ బస్టర్స్ గా నిలిచాయి. ఇక వీరికి బన్నీ తోడైతే సాంగ్స్ మరో స్థాయికి వెళ్తాయనే చెప్పాలి. ఈ ముగ్గురి కాంబినేషన్ లో వచ్చిన ఆర్య, ఆర్య-2 మ్యూజికల్ గా ఎంత విజయాన్ని అందుకున్నాయో తెలిసిందే. ముఖ్యంగా ఆర్య లోని 'అ అంటే అమలాపురం', ఆర్య-2 లోని 'రింగ రింగ' ఐటమ్ సాంగ్స్ సంచలనం సృష్టించాయి. దీంతో వీరి కాంబినేషన్ లో వస్తున్న పుష్ప లోని స్పెషల్ సాంగ్ పై ఆసక్తి నెలకొంది. దీనికి తోడు సమంత చిందేస్తున్న మొదటి స్పెషల్ సాంగ్ కావడంతో దీనిపై భారీ అంచనాలు ఏర్పడ్డాయి. తాజాగా ఈ సాంగ్ లిరికల్ వీడియోని మేకర్స్ విడుదల చేశారు.

Also Read:'ల‌క్ష్య' మూవీ రివ్యూ

'ఊ అంటావా.. ఊఊ అంటావా' అంటూ సాగే పుష్ప స్పెషల్ సాంగ్ ఆకట్టుకుంటోంది. స్పెషల్ సాంగ్స్ కంపోజ్ చేయడంలో దిట్ట అయిన దేవిశ్రీ మరోసారి మ్యూజిక్ తో మ్యాజిక్ చేశాడు. చంద్రబోస్ అందించిన క్యాచీ లిరిక్స్ ఆకట్టుకున్నాయి. ఇక లిరికల్ వీడియోలో సమంత గ్లామర్ ప్రత్యేక ఆకర్షణగా నిలిచింది. సమంత అందం, ఇంద్రావతి చౌహన్ గాత్రం కుర్రకారుకి మత్తెక్కించేలా ఉన్నాయి. మొత్తానికి సమంత 'ఊ అంటావా' అంటూ మాస్ ని అలరించడం ఖాయమనిపిస్తుంది.