English | Telugu
శ్రీదేవి మేనకోడలు, శివాజీ గణేశన్ మనవడు కలిసిన వేళ!
Updated : Dec 10, 2021
దివంగత నటి, భరతనాట్యం కళాకారిణి పద్మిని రామచంద్రన్ మనవరాలు లక్ష్మీ దేవి రూపొందిస్తున్న మ్యూజిక్ వీడియో 'యదలో మౌనం'. ఆస్కార్ పురస్కారాల్లో 'లైఫ్ యాక్షన్ షార్ట్' కేటగిరీలో పోటీ పడుతున్న 'వెన్ ద మ్యూజిక్ చేంజెస్' తర్వాత లక్ష్మీ దేవి దర్శకత్వంలో ఈ మ్యూజిక్ వీడియో రూపొందింది. ఇందులో లెజెండరీ యాక్టర్ శివాజీ గణేశన్ మనవడు దర్శన్, అతిలోకసుందరి శ్రీదేవి మేనకోడలు శిరీష జంటగా కనిపించనున్నారు.
Also Read:'లక్ష్య' మూవీ రివ్యూ
శివాజీ గణేశన్, పద్మిని సుమారు 50 చిత్రాల్లో జంటగా నటించారు. ఇప్పుడు పద్మిని మనవరాలి దర్శకత్వంలో శివాజీ గణేశన్ మనవడు ఓ మ్యూజిక్ వీడియో చేయడం విశేషం. కొత్త సంగీత దర్శకుడు వరుణ్ మీనన్తో పాటు ప్రముఖ సంగీత దర్శకుడు అచ్చు రాజమణి స్వరపరిచిన బాణీతో ఈ మ్యూజిక్ వీడియో రూపొందుతోంది. ఈ పాటను అచ్చు రాజమణి ఆలపించారు.
Also Read:బాలీవుడ్ లో సమంత హవా మొదలైంది.. 'రాజీ'కి ఫిల్మ్ ఫేర్ అవార్డ్!
అభినందన్ రామానుజం ఈ మ్యూజిక్ వీడియోకు సినిమాటోగ్రఫీ అందించారు. ఈ సాంగ్ కి ఆంటోనీ గొంజాల్వెజ్ ఎడిటర్.