English | Telugu
ప్రభాస్ ను కొట్టేసిన ఎన్టీఆర్..?
Updated : Feb 16, 2016
టెంపర్, నాన్నకు ప్రేమతో విజయాలతో మాంచి ఊపు మీదున్నాడు ఎన్టీఆర్. ' టెంపర్ ' తో ఎన్టీఆర్ గేర్ మారింది. అతని స్టైల్, పెర్ఫామెన్స్ కూడా టెంపర్ నుంచీ కొత్తగా ఉంది. ఇదీ ఊపులో కొరటాల శివ తో కలిసి తారక్ ' జనతా గ్యారేజీ ' స్టార్ట్ చేశాడు. తాజాగా తారక్ ఖాతాలో మరో రికార్డ్ చేరింది. వరల్డ్ వైడ్ టాలీవుడ్ ను సగర్వంగా తలెత్తుకునేలా చేసిన బాహుబలి రైట్స్ మాలీవుడ్ కు 3.8 కోట్లకు తీసుకుంటే, ఇప్పుడు ఎన్టీఆర్ జనతా గ్యారేజ్ రైట్స్ ఏకంగా 4.5 కోట్ల బారీ విలువకు కొనుక్కున్నారు. దీంతో ఎన్టీఆర్ బాహుబలిని మించి క్రేజ్ సంపాదించుకున్నట్టైంది.
మరింతకీ బాహుబలి లాంటి సినిమా చేసిన ప్రభాస్ ను దాటి అక్కడ ఎన్టీఆర్ సినిమాకు ఇంత క్రేజ్ రావడం వెనుక కారణమేంటా అని చూస్తే, మళయాళం సూపర్ స్టార్ మోహన్ లాల్, అక్కడి యంగ్ హీరో ముకుందన్, క్రేజీయస్ట్ మళయాళ బ్యూటీ నిత్యా మీనన్, ఈ ముగ్గురూ సినిమాలో కీలక పాత్రలు పోషిస్తున్నారు. ఇలా మళయాళంలో సూపర్ క్రేజ్ ఉన్న ముగ్గుర్నీ తన సినిమాలో పెట్టి, ఎన్టీఆర్ మాలీవుడ్ పై కన్నేశాడు..వీరి గురించే జనతాగ్యారేజ్ ఇంత రేటు పలికింది..శ్రీమంతుడుతో బ్లాక్ బస్టర్ సొంతం చేసుకున్న మైత్రీ మూవీ మేకర్స్ సంస్థ ఈ సినిమాను నిర్మిస్తోంది.