English | Telugu
మహేష్ ని ఫాలో ఫాలో అంటున్న ఎన్టీఆర్
Updated : Jan 4, 2016
ఈ సంక్రాంతికి ఎలాగైనా బ్లాక్ బ్లాస్టర్ హిట్ కొట్టాలనే కసితో వున్నాడు నందమూరి చిన్నోడు యంగ్ టైగర్ ఎన్టీఆర్. వరుస ఫ్లాప్ ల నుంచి 'టెంపర్' తో కోలుకున్న ఈ చిన్నోడు..నాన్నకు ప్రేమతో సినిమాపై మంచి ధీమాగా వున్నాడు. కానీ అభిమానులలో ప్రస్తుతం నెలకొన్న పరిస్థితులు అతన్ని కొంచెం కలవరపెడుతున్నాయి.
గత కొంతకాలంగా బాబాయితో, నారా వారితో సంబంధాలు అంతంత మాత్రంగానే వుండడంతో... ఏం చేయాలో తోచక గందరగోళ పరిస్థితిలో ఇరుక్కుపోయాడు. అయితే ఈ పరిస్థితి నుంచి గట్టేక్కడానికి మనోడికి ఓ ఐడియా తట్టింది. దాని కోసం మీడియా సపోర్ట్ ముఖ్యమని భావిస్తున్నాడట.
రీసెంట్ గా సూపర్ స్టార్ మహేష్ బాబు కూడా ఇదే దారిలో వెళ్ళి భారీ విజయాన్ని సాధించాడు. ఎప్పుడూ మీడియాకి కొంచెం దూరంగానే వుండే మహేష్ బాబు నేనొక్కడినే, ఆగడు ఫ్లాప్ ల తరువాత తన స్ట్రాటజీ మార్చుకున్నాడు. శ్రీమంతుడు రిలీజ్ కి ఒక నెల ముందే నుంచే మీడియాతో స్నేహంగా వుండడం మొదలుపెట్టాడు. మీడియా మిత్రులందరికీ అందుబాటులోకి వచ్చాడు. ఫలితంగా శ్రీమంతుడుతో మంచి విజయాన్ని అందుకున్నాడు.
ఇప్పుడు ఇదే దారిని యంగ్ టైగర్ ఎంచుకున్నాడు. ఈ రోజు మీడియా మిత్రులతో దస్ పల్లా హౌటల్లో సమావేశం కాబోతున్నాడు. మరి మహేష్ ని ఫాలో ఫాలో అంటున్న ఎన్టీఆర్ కి హిట్ దక్కుతుందా? అనేది వేచి చూడాల్సిందే.