English | Telugu
'నాన్నకు ప్రేమతో' ఆడియో హైలైట్స్
Updated : Dec 28, 2015
టాలీవుడ్ ఆడియో ఫంక్షన్ లకు బిన్నంగా నాన్నకు ప్రేమతో ఆడియో ఫంక్షన్ సాగింది. ఈ వేడుక అంతా దాదాపుగా దేవిశ్రీ చుట్టూనే తిరిగింది. తనకు తండ్రికి మధ్య ఉన్న అనుబంధాన్ని దేవిశ్రీ పంచుకున్నాడు. తను పరిచయం చేసిన సింగర్స్ చాలామందిని.. నాన్నే రిఫరెన్స్ చేశారని గుర్తు చేసుకున్నాడు. 'తోటి టెక్నీషియన్ వర్క్ ని అభినందించ గలిగినపుడే.. నువ్వు టెక్నీషియన్ గా ఎదుగుతావని' నాన్న చెప్పారని అన్నాడు దేవిశ్రీ.
తన తండ్రి చనిపోయాక ఆయన ఎమోషన్లోంచి ఈ కథ పుట్టిందని చెప్పడం.. సుక్కు ఎలాంటి స్థితిలో ఈ కథ రాశాడో ఎన్టీఆర్ చెప్పడం.. జనాల్ని కదిలించాయి. ఇక కళ్యాణ్ రామ్ కూడా తన తండ్రి హరికృష్ణ గొప్పదనం గురించి గొప్పగా మాట్లాడగా.. హరికృష్ణ తన తండ్రి ఎన్టీఆర్ తన చిన్న కొడుక్కి పేరు పెట్టిన వైనం గుర్తు చేసుకున్నారు. ఎన్టీఆర్ కు తండ్రి మీద ఉన్న ప్రేమ గురించి వినాయక్ ప్రస్తావించాడు. జగపతి కూడా తన తండ్రి రాజేంద్ర ప్రసాద్ ను గుర్తు చేసుకుని.. ఆయన చివరి కోరిక ప్రకారం ‘జగపతి పిక్చర్స్’ బేనర్ మీద మళ్లీ సినిమాలు తీస్తానని చెప్పాడు. మొత్తానికి నాన్నకు ప్రేమతో ఆడియో చాలా ఎమోషనల్ గా సాగింది. టాలీవుడ్ ఆడియో ఫంక్షన్ లలో ఇదే ది బెస్ట్ ఆడియో ఫంక్షన్ అని కూడా చెప్పవచ్చు.